Sawrkar hnathawkte'n lungawilohna lantir dawn; March 6 & 7-ah pen/tool down strike!

Aizawl | Feb 8, 2023: FMGE&W Council Meeting dt. 1.2.2023-a neihin a lo rel tawh angin Mizoram Sawrkar Notification dinglai anga Dearness Allowance pek an nih phut nan leh Sawrkarin Dan anga a hun taka hlawh min pek zel phut nan  lungawilohna an lantir dawn.

An ruahman dan chuan, March 6 leh 7 hian - Pen/Tool down strike an nei dawn a, March 9 leh 10 hian Mass Casual Leave lak an tum a ni.

Tin, retiring age 62 yrs ni tura an dilna pawh Sawrkar hotuten an tiam tawh ngaihtuahsak thuai turin an phut tlat a ni.

An thil tih hian awmzia a neih loh chuan 13 March 2023 ah hmalak zel dan tur Council Meeting in a ngaihtuah dawn a ni.

Sawrkar laka lungawilohna an lantir hi mipuite'n an tuar lutuk loh nan tun  dinhmunah chuan - Law and order kengkawhtu Magistrate te, Uniform cadre (Police/Excise/Fire/Jail etc), University/Board Exam-a duty tur te leh Department hrang hranga Emergency Duty te (Hospitals/PHE/P&E etc.) ten an hmalakna an zawm ve rih dawn lo niin thudawnna chuan a tarlang.