Aizawl | Feb 8, 2023: February 6, 2023, Thawhtan chhun dar 12 vel a Melthum Silaimual piah, KS Thanga chawlhbuk thlen hma, kawng sir chawlh buk atanga hla lote, kawng thlanga hmeichhe ruang chhe tawh tak chhar kha Zahleipari, Lawngtlai Vengpui a ni tih finfiah a ni.
Tarlan tawh angin he hmeichhe ruang hi Melthum Silaimual piah deuh, kawng thlang lung rem tlak dal atana siam, barbed wire kaih leh lungrem inkara thir hruia inbat tang chu a bul kawng sira khualzin chawl ten an hmu a, Kulikawn Police hriattir niin, forensic deptt lamte nen an buaipui a.
A tirah ruang hi Buara vara fun leh ṭawn hlawm angin social media thenkhatah thu a thang a. Hei hi thu dik lo a ni a, a taksa lang theiah kutthlakna hnuhma hliam engmah hmuh a ni lo a, a thihdan chiah hi post mortem leh forensic lam atanga report erawh kan dawng lo.
A ruang hi ZMC Morgue House-ah dan niin a thlalak leh a inthuamna te nen tunge anih tih hriatchhuah tuma nasa taka buaipui anih hnu-ah zanin khan a unaupa'n a nau, Zahleipari (Parteii) ani tih a finfiah a ni.
Parteii hi kum 28 mi niin Lawngtlai Vengpuia awm an ni a, chanchin buatsaih lai hian Lawngtlai lama phurh haw tura buaipui mek a ni.
- Kiddy Vanchhawng @ Mizo Special Repirt
Post a Comment
He post chungchanga i ngaihdan lo sawi ve rawh: