Aizawl | Feb 27, 2023: Government Mizoram Law College Student Bar Council chuan vawiin khan Aizawl Press Club-ah thuthar thehdarhtute kawmin, "Govt Mizoram Law College Academic Building sakna tura Rashtriya Uchatar Shiksha Abhiyan (RUSA) 2.0 Component 9: Infrastructure Grants to Colleges hnuaia kan allocated fund hmuh Rs. 1,70,00,000/- hmanga Sky Ridge Construction & Consultancy Services, Aizawl, Mizoram hnêna Contract hna pêk a nih leh an hna thawh dân chungchângah hian thil dik tâwk lo leh fel hlel a tam hle niin keinî, Student Bar Council, Government Mizoram Law College chuan kan hria," an ti a.
"Government Mizoram Law College (GMLC) building hi Work Order chhuah ni 4th May, 2020 aṭanga chhiar ṭanin thla 20 (i.e., 4th January, 2022) chhûnga sak zawh tura ruahman chu vawiin thleng a sak zawh a la ni lo a ni." an ti.
SBC thuchhuah:
A hun takah ṭha taka sak zawh a nih theihna turin vawi tam tak Contractor (Sky Ridge Construction & Consultancy Services), Rashtriya Uchatar Shiksha Abhiyan (RUSA) lam aṭanga hna thawh rawn viltu Engineer leh Higher & Technical Education Department changtu Minister hnênah pawh kan harsatna leh manganna te kan lo thlen tawh ṭhîn a; ngaihsak kan hlawh loh zia chu vawiina kan dinhmun hian a tilang chiang hle.
Deed of Agreement-a inziak (Point no. 7 of Deed of Agreement) anga kan College Building sak zawh a nih hun tur (i.e., January, 2022) aṭanga thla 12 chuang zet a ral tawh hnu pawha 40% (Higher & Technical Education Dept. answer on 22nd Feb, 2023 at 11th Mizoram Legislative Assembly Session) chauh thawh zawh a la ni chung pawh a RUSA lamin sum Rs. 1,17,96,000/- lai mai an release sak hi hriat thiam a har kan tiin mak kan ti hle a ni. Tin, State Project Directorate RUSA ni 29th December, 2022-a meeting-in Contractor (Sky Ridge Construction & Consultancy Services) chhuanlam bei tham tak an siam avânga buiding sak zawh hun tur thla 12 zeta pêl tawh March, 2023 thleng an pawh seisak leh pawh hi hriatthiam har kan ti a; RUSA lama a buaipuitute-ah pawh hian thil fel hlel a awm em tih hi kan zawhna a ni bawk.
Tûna contractor (Sky Ridge Construction & Consultancy Services)-in a thawh chin ang ang (40% lek!) pawh hi a ṭha tâwk lovin a lungâwithlâk loh tak zet! A ban leh beam inzawmna te hmun tin deuh thaw-ah an khi a; a slab an lo chhûn tawh te pawh a nghet lovin a su thei bawk a ni. Tin, building sak zawmna tura Iron-rod an inchhawp mêk te pawh hi a tui-êk nasa hle bawk a ni. Chuvângin, keinî Student Bar Council te chuan tûna structure ding lâi hi chu chhunzawm zêl chi-ah kan ruat lo a ni.
Building sakna tura Cement hman tur te hi a ṭhat tâwk leh tâwk loh Cement Concrete Cube test MPWD Laboratory emaw Quality Control/Department of Civil Engineering, MZU Laboratory-ah te thla thum (3) dan zêlah endiktîr a; annî lamin a ṭhat tâwk leh tâwk loh an lo certify tur a nih lâiin vawiin thleng hian vawikhat mah endiktîr (test) a ni miah lo bawk a ni. He mi chungchângah hian MZU leh MPWD-ah te kalin kan zu finfiah vek a ni (Non-Testing Certificates or letters available).
Tin, tûna kan College Building Contractor (Sky Ridge Construction & Consultancy Services) hian RUSA 2.0 hnuaiah hian Restricted Tender vekin Mizorama College hrang hrang 15 zetah contract
cheng vaibelchhe tam tak man a hmu tih kan hria a, he’ng College hrang hranga a hna thawh tawh te pawh hi an ṭha tâwk lo hlein; muang uchuak leh lungâwithlâk loh lutuk taka hna thawh a nih avângin College hrang hranga zirlâite paw’n lungâwi lohna an lo lantîr fo tawh bawk a ni.
Ram leh hnam tâna pawimawh tak tak zirna in hrang hrang sak hna thawk tura Contractor rintlâk loh leh hna chhe lutuk mai duhsak taka sorkarin Restricted Tender hmanga an thawh zawh loh leh vil zawh loh contract a pe hi kan dem tak zet a; tûn hnuah zirlâite hmâ-khaw ngaih vâng tal pawha pe tawh lo turin kan ngên bawk a ni.
Hetianga ‘Deed of Agreement’ pawh zâwm lova hna thawk a, zirlâite himna ngaihthah leh an nunna hial hloh theihna dinhmuna dah pawh pawisa lo ni âwm taka kan College building sa tu Contractor (Sky Ridge Construction & Consultancy Services) lakah hian Dân anga na taka hma lâk ngêi pawh kan phût tlat a ni.
Kan han târlan tak te min ngaih pawimawh sak a, hmâ min lâksak turin Sorkar kan ngên a. March thla chhûng ngêia kan College Building hi hmanraw ṭha leh rintlâk hmang ngêia Restricted Tender hmanga duhsak taka contract an pêk, Contractor (Sky Ridge Construction & Consultancy Services) hian min sak zawhsak kan phût tlat a; kan duhna leh thil phûtte tihhlawhtlinsak kan nih loh chuan Student Bar Council (SBC) chuan Dân anga hmâ lak zêl kan tum a ni.
.
(Khawngaihin, i lo share darh ve ngei dawn nia aw!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Law College nge nge an va smart zarh zarh ve.
ReplyDeleteAn Press Statement pawh a hriam fiah felfai fak mai.
In chanvo han sual chhuak teh u.
Post a Comment
He post chungchanga i ngaihdan lo sawi ve rawh: