Mi kuttuar ni ngeia hriat Pu H Chungnunga thihnaa mawhphurhtu man phutin kawng zawh

Aizawl | Feb 27, 2023: Mi kut tuar ni ngeia hriat Pu H Chungnunga thihnaa mawhphurhtu man phutin vawiin khan Tuipui D khawtlangin kawng an zawh.

Kawng zawhtute hian, "Pu H Chungnunga thihna a mawhphurtu zawn chhuah a nih ngei theih nan khawtlangin hma kan la zel dawn," tih leh "Pu H Chungnunga thihnaa mawhphurtu zawn chhuah a nih theih nan Police ten chak takin hma la zel rawh se," tih te banner an keng a ni.

Tarlan tawh angin, Mahnia khawsa Pu H. Chungnunga kum 91 , Tuipui 'D' khua chu Feb 24 zing khan a mutna pindan chhuatah hliam na tak tuar, nikhaw hre lova hmuh a ni.

Pu H Lalchungnunga hi District Hospital Hnahthial-ah enkawl niin Feb 25 zing dar 9 pelh hlek khan a hliam tuar lovin a thi a, a ruang hi postmortem a ni a, a ruang hi Feb 26 kaan vuiliam niin thu dawn a ni.

Pu H. Chungnunga hmu hmasatu te hnen atanga thu dawn danin Feb 24 zing dar 8 velah pawh a la thawh loh avangin a in bul hnaia awm te chuan kaihthawh tumin pawn lam atangin an ko a, a pindan tukverh inhawng Atanga lutin, thisen nen chhuata lo let reng chu an hmu ta a ni. 

Pu Chungnunga hian a tukhumah hliam na tak a tuar a, hmun 20 chuangah thui a nih bakah a hmai pawh a vungin a duk vek bawk a ni. 

Kutthlaktu hian a in hi an rawk zui ngei niin ngaih a ni a, thil bo erawh hriat chian a la ni lo a ni. Hnahthial Police te chuan misual sulhnu hi an chhui mek a, he chanchin buatsaih lai thleng hi chuan man an la nei lo a ni.

(Khawngaihin, i lo share darh ve ngei dawn nia aw!)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(He website kal zel theih nan hian fakna lo langte hi i lo hmet ve thin dawn nia.)