NANGMAH I NIH PAWIMAWHNA

 _Pathian thatna hnuaia nun dan

— Rick Warren 

— Feb 8, 2023

“Rilru dam chu tisa nunna a ni a, itsikna erawh chu ruh mawihna a ni.” Thufingte 14:30

Pathian thatna nena nun tam leh luangchhuak nun nei tura thil pakhat pawimawh hmasa chu lawmna nuna bul tan leh phunnawi tawpsan kha a ni a. A dawttu atan chuan lungawina nun neih leh mi dang nena inkhakhin bansan hi a ni.

Pathianin nangmah ni turin a siam che a. Mi dang daih ni turin a duh lo che! Mi dang nena i inkhaikhin chuan, an dinhmun i awt ve ang a, an nungchang zirin lem i chang thei a ni. 

Mahse Pathianin tumah a lem a siam lo va. A tak tak chauh a siam a ni. Phir inang tak tak pawhin kawng tam takin danglamna an nei tho a ni. Nangmah nih i duh loh chuan, tunge i nih tak ang le?

Mi dang nena i inkhaikhin chhung chuan buaina i tawk ang tih hi thudik a ni. I landan, i thiam zawng, i kawppui, i hna emaw i fate emaw te nena mi dang i khaikhin phei chuan harsatna kawng hnih a thleng thei a ni.  

Pakhatnaah chuan, lungnihlohna hlirin i khat ang, a chhan chu nang aia hna tha zawk thawk te, sum lalut tam zawk te emaw talent nei tha zawk te an awm zel avangin. Pahnihnaah chuan, chaponain i khat ang. Engvangin? A chhan chu nangmah aia hna hniam zawk thawkte pawh hmuh tur an awm zel avangin.

Bible chuan, “Hahdama veikhat neih pawh hi buai philia thawka veihnih neih ai chuan a tha zawk” a ti. Thuhriltu 4:6

Social media avang hian mi dang nena inkhaikhin hi a awl leh zual tawh a ni. Nitina an thil post hian tihian an tlangau a, “Min en teh! Eng nge ka tih theih en teh! Eng nge ka neih en teh!” chu chuan awhna leh lungawilohnaah a hruai lut thei che a ni. Nangma thil post ngei pawh mi dang laka tlaktlum duhnaah a hruai thei che a ni. Tu chungah mah tlaktlumna tur i zawn a ngai lo. Lawm chunga lungchhuak nun neih theihna chu nangmah i nih tawpna kha a ni, Pathianin a siam danah che khan lungawi rawh.

Nun thawpik deuh taka awm i ning tawh em? Rilru leh thlarauva hrisel i duh em? Bible chuan, “Rilru dam chu tisa nunna a ni a, itsikna erawh chu ruh mawihna a ni” a ti. Thufingte 14:30

Lungawina chu i thil la neih tur aiin i thil neihsa i hlimpuinaah khan a awm a ni. Mi dang nena inkhaikhin bansan tawh la, Pathianin a thilpek cheah khan lungawi rawh le – tichuan i lawmna chu a luangliam ang.

Ngaihtuah zui atan

* Tun dinhmunah hian i nunah eng nge i hlimpui? 

* Pathianin mi dang mal a sawmnaah mal a sawm ve lo che anga a lanin, eng nge i rilruah lo lang? Chung hunah chuan Pathian thatzia engtin nge i inhrilh nawn theih ang?

* Social media-in i lungawilohna a thlen dawn nia i hriat chuan? Engtin nge a nghawng tlem zawk theihna tur chein hma i lak ang? 

*Lungawina tak tak hi engtia neih tur nge?*

Lungawina tlo nei tur chuan Isua hnena inpekna atangin tan a ngai a ni. I nunah i la tawng ngai lo a nih chua, hetiang hian tawngtai rawh le: “Lalpa Duh tak, ka sualnate ka rawn puanga, ka chhandamtu i ni tih ka puana nang ka rin che chuan ka him ang tih min tiama. Chhandamna chu khawngaihna avanga rinna kaltlanga kan neih a ni a thildang vang a ni lo i tih avangin ka ring che a ni. Ka nunah hian Lal ni turin ka pawm ta che a. Vawiinah hian i hnung zui ka duh a, ti tura min tih apiang chu ti turin ka inpeih e. Isua hmingin ka dil e. Amen.”    

Isua pawm tura i tawngtai thei a nih chuan, he email-ah hian min lo hriattir la, min lo bia ang che Rick@PastorRick.com. Isua nena zinkawng i zawh tanna tura thil pawimawh a thlawnin ka pe dawn che nia.  

*[Lettu: Sangpuia]*