HBC zirlaite'n zirtirtu indaih lo chinfel phutin lungawi lohna lantir chhunzawm!

Aizawl | Feb 8, 2023: Govt Hrangbana College zirlaite chuan zirtirtu indaih lohna chingfel tura sawrkar an ngenna a la hlawhtlin loh avangin vawiin pawh an college kawtah lungawi lohna an lantir chhunzawm.


"Professor regularization/posting avanga harsatna kan tawh mekah vawi eng emaw zat sawrkar thuneitute hnenah kan harsatna te kan thlen tawh hnuin kan mamawh ang chhana leh inbiakna hlawhtling vawiin ni thlengin kan la hmulo a, thuchhuah kan lo siam tawh angin kan hun tiam chin thlenga kan mamawh ang chhanna leh inbiakna hlawhtling a awm loh avangin ni 8. February, 2023 dar 9:30 a.m hian sit-in demonstration-in agitation neih chhunzawm leh tur a ni." tiin nimin Govt. Hrangbana College Students Union chuan thu an chhuah.


HBC SU chuan, "Kan college ah hian zirtirtu indaih lohna a nasa hle a, chutih lai a professor eng emaw zat regularization posting-a an chhuah hnua kan mamawh ang replacement a awmlo hi keini Gov't Hrangbana College Students' Union te chuan a pawi kan ti tak zet a. Sawrkar kalphungah regularization a awm reng rengin post ngaiah awm theih a nilo a, chutih rualin kan indaih lohna te hriain tuna kan Professor chhuak turte hi attached in kan college-ah hian Post nise tiin sawrkarah rawtna kan thlen a, chhanna engmah ala awm lo a ni. Department thenkhatah chuan zirtirtu indaih lohna avangin regular class neih a harsa tawh hle a, chutih laiin professor eng emaw zat chhuak tur an awm leh kan mamawh ang replacement sawrkar atanga kan la hmuh loh avangin Students' Union huaihawtin he Agitation hi neih chhunzawm zel tur a ni." an ti a ni.


HBC zirlaite hian nimin pawh khan an college kawtah lungawi lohna an lantir tawh a, kawng an dan avangin Aizawl kahwpui lirthei che vel a tibuaiin nunphung a tibuai hle niin thudawnna chuan a sawi.




Pic Credit: Angela, Biakzuali & Peka
















(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post