Mizoram sorkarin IT Skill Development & Training Centre pasarih din a tum - RRR

Aizawl | Feb 22, 2023: Mizoram sorkarin IT Skill Development & Training Centre pasarih din a tum tih Information & Communication Technology (ICT) Minister Pu Robert Romawia Royte in House a hrilh.

Vawiin Assembly Session-ah zawhna chhangin Minister chuan IT Skill Deeloment & Training Centre hi Block hrang hrang - Chawngte, Lawngtlai, Bungtlang ‘South’, Zawlnuam, West Phaileng, Lungsen leh West Bunghmun ah te bun tum a ni, a ti a. Heng Centre tinah hian Computer Set kim 50 theuh dah tum a ni a; Zirtirtu leh Zirlaiten Information Technology (IT) zirna kawnga nasa zawka hma an sawn theih nan tangkai taka an hman a beiseiawm, a ti a. NIELIT nen tang dun tura hma lak a ni a; hmun kilkhawr zawka awmte pawhin anmahni kawtchhuah ngeia I&CT training centre an nei tur hian zirna mai bakah khawtlang hmasawnna hrang hrang atan leh eizawnna kawng thlengin mipui nawlpui tan a tangkai dawn a ni, a ti a.

I&CT Dept.-ah hian a ngheta thawk mi 32 leh a nghet lova thawk mi 7 an awm thu leh Dist. Office din belh tumna a awm loh thu Minister hian a sawi a. State budget pangngai ni lo, ICT department-in kum 2021-22 leh 2022-23 chhungin sorkar laipui atangin hmasawnna hna thawhna tur Cheng Nuai 7,561 Sing 8 Sang 5 dawn a nih thu a sawi a. Heng sum atang hian Cheng Nuai 7,250 chu state budget pawn atanga hmuh ni mah se Finance department kal tlanga hna thawh tur a nih avangin state budget-ah khung a nih thu a sawi bawk.

- AIR Aizawl

(Khawngaihin, i lo share darh ve ngei dawn nia aw!)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(He website kal zel theih nan hian fakna lo langte hi i lo hmet ve thin dawn nia.)