Aizawl | Feb 5, 2023: Mizoram Board of School Education (MBSE)-in tun hnaia hmasawnna leh rahbi thar eng eng emaw a neih chhoh mekte zir chiang turin Feb 3 khan Chhattisgarh Board of Secondary Education, Raipur atangin Board Member pali an lo kal a. MBSE Secretary leh Officer ten heng official lo kalte hi lo dawngsawngin inkawm hona an nei a, MBSE hmun hmate an fan kualpui bawk.
An lehkha atanga an tarlan angin MBSE hma lakna hrang hrang Bilingual textbooks te, Covid 19 hripui len avanga ram pumah lockdown puan a ni chunga MBSE in HSLC leh HSSLC exam offline-a a conduct theih mai dan te an lo hriat avanga zir chiang tura lo kal an ni.
Heng member lo kal ten MBSE hmalaknate kalpui a nihdan chik taka an rawn zir chian te chu :
MBSE syllabus hman mek leh a duanchhuah dan kalphung.
Scheme of examination leh question design siam dan leh kalpui a nih dan. MBSE ina question changkang zawk neih a nih theih nana exam scheme a Higher Order Thinking Skills (HOTS) an dah dan te chu tha an ti hle.
India rama Bilingual textbook hmasa ber ni tura Science leh Mathematics subject a MBSE in a buatsaih dan chungchangte a hmunah a khawih tute ngei atanga an rawn hre thei chu an lawm hle.
MBSE-in school affiliation fel fai taka a kalpui dan.
MBSE in professional course (D.El.Ed.) a kalpui dan bakah Mizoram Teacher Eligibility Test (MTET) exam a conduct dan.
High School Leaving Certificate Examination (HSLC), Higher Secondary School Leaving Certificate Examinations (HSSLC) leh Diploma in Elementary Education (D El Ed) exam a buatsaih dan.
Heng bakah hian MBSE-in a kalpui thar Digitalization and Integrated Digital Payment System hnuaia online hmanga naupang registration tih te, exam form fill up te, document verify te, online fee payment, online hmanga internal mark submit-na tur leh a dang tam tak duante chu tha an ti hle.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: