Kum 2022 chhungin Cancer Hospital Zemabawkah Cancer natna vei mi 1465 inziaklut!

Kum 2022 chhung khan Cancer Hospital Zemabawka Cancer natna vei in register hi Mipa-752, Hmeichhia-713 an vaiin mi 1465 an ni.

Aizawl | Feb 5, 2023: National Health Mission hnuaia Programme pakhat, National Programme for Prevention & Control of Cancer, Diabetes, Cardiovascular Diseases & Stroke (NPCDCS) chuan khawvel puma Cancer dona ni "World Cancer Day 2023" chu nimin khan Taxation Department Auditorium, MINECO-ah hmangin he hun hi Dr.Eric Zomawia, Mission Director, NHM chuan Khuallian niin hun a hmanpui.

Nimina World Cancer Day pual inkhawm hi Dr.Catherine Lalmuanawmi State Nodal Officer, NPCDCS, NHM-in a kaihruai a. Chairman hian kalkhawmte lawmna thu sawia hun a hman zawh hnu-ah kumin World Cancer Day thupui "Close the Care Gap" hmangin Dr.B.Zothankima, HOD Department of Radiation Oncology, MSCI chuan zirtirna pe in Cancer laka inven, natna hmuhchhuah ran, enkawlna tha zawk leh chhawmdawlna tha leh zual pekte chu thupuiin a tum ber a nih zia a tarlang.

Tin, Dr.Jeremy L.Pautu, Director, MSCI, Zemabawk pawhin thu sawiin Cancer enkawl kawnga Mizoram hmasawnna te a tarlang a. Bul tan tirh laite ngaihtuah chuan nasa takin Mizoram pawhin cancer enkawl kawngah hma a sawn nasa hle tawh a, cancer case thar hi a ni tela a pun chhoh zel avangin MSCI pawh thuam changtlun chhoh mek zel a ni a ti.

He huna thusawitu Khuallian Dr.Eric Zomawia chuan, " India ramah Mizoram chuan Cancer vei tam lamah a chhe zawngin pakhatna kan hauh hnem hle a. Hei hi thil ngaih-mawh-awm tak a nih avang leh cancer natna hi inven theih thil a nih avangin  in uar lehzuala zirtirna inpek a hun tawh hle a ni a ti. Chhul cancer thlentu Human Papiloma Virus laka invenna pawh hun rei lote-ah Mizoramah kum 9 - 14 inkarah pek tan a nih thuai tur thu a sawi bawk.

World Cancer Day hi khawvel pumah kum 2000 atang khan hman tan a ni a. Mizoramah erawh kum 2014 atang khan hman a ni thung. He Programme kalpuitu NPCDCS hi Mizoram chhungah Population Based Screening kalpui mek a ni. Mizoram State Cancer Institute-in a tarlan danin kum 2022 chhung khan Cancer Hospital Zemabawka Cancer natna vei in register hi Mipa-752, Hmeichhia-713 an vaiin mi 1465 an ni.

Vawiina Cancer day pual hun hi Dr.Martin Chawngsailova State Programme Co-Ordinator, NPCDCS chuan lawmthu sawiin hun hnung a khar a ni.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)