Kolasib | Feb 15, 2023: Vawiin chawhma khan MG Hall, Extension Training Centre, SIRD & PR, Kolasibah Bilkhawthlir leh Thingdawl RD Block hnuai a thalaiten eizawnna tlak thiamthil an neih theih nan SIRD & PR, Kolasib, UD&PA, Divisional Forest Office leh DC Office tangkawpin ni 3 awh ‘Skill Development Training’ an buatsaih a. Pu John LT Sanga, Deputy Commissioner chuan training hawnna hun hmangin Pu ZR Thafala, Principal, ETC SIRD & PR in hun a kaihruai a, Pi Margaret Lalramchhani, DFO, Pu Hmingthanzuala, DIPRO leh Pu Eddie Zonunkima, Social Development Specialist, UD&PA ten he hun hi an telpui a ni.
Deputy Commissioner Pu John LT Sanga chuan tunlai khawvela intlansiakna kawng hrang hrangah mizo mipate aiin hmeichhiate chu hmahruaitu an nih chhoh zelna chuan hmeichhiate dinhmun chawisanna kawngah hmasawnna nasa tak a awm zia a lantir thu sawiin hetih rual hian mizo mipate chu hmeichhiate kaihruaitu ni tur a tan lak a tul thu a sawi. Pu John LT Sanga chuan tun hma angin mipa thawh tur leh hmeichhe thawh tur bik kan thliar chhung chuan intodelhna kawng zawh a har tur thu sawiin thliar bik awm loin kawng engkimah mipa chuan thawh hreh nei loin hmahruaitu nih an tum a pawimawh thu a sawi bawk a ni.
Ram leilung hausakna humhalh chu mi tin mawhphurhna a nih thu leh ram kang tur ven te, vawi khat hman plastic hman loh te chu leilung humhalhna kawng pawimawh tak a nih thu Deputy Commissioner chuan sawiin hnam tan a natna tihbaiawm AIDS darh zel tur dotu nih tum theuh turin kalkhawmte a chah.
India ram chu khawvela mihring tamna ber ram a nih angin ram tihhmasawn nan thalaite an pawimawh hmasak thu DC chuan tarlangin chhawr tlak tur a thiamthil an neih a tul thu a sawi a. Bilkhawthlir leh Thingdawl RD Block thalaite chuan ‘Skill Development Training’ kaltlang hian eizawnna tlak thiamthil an char phah ngei a beisei thu a sawi.
Pu Eddie Zonunkima, UIS, UD&PA chuan faina kawnga Kolasib district tihhmasawn a tul zia leh fai tur chuan bawlhhlawh siam tlem a pawimawh zia a sawi a. Bungrua hman tawh loh te chu bawlhhlawh ah paih mai loin thil dang tangkai a siam nachang hriat a tul thu a tarlang bawk a ni.
Ni 3 awh ‘Entrepreneurial and Skill Development Training for Unemployed Youth of Bilkhawthlir & Thingdawl RD Block: Special Focus on Using Eco-Friendly Material’ ah hian mi 50 an inziaklut a. Sumdawnna bultan nana thil pawimawh te, Paper atanga thil tangkai siam chhuah te, Embroidery leh puanthui te zirtir an ni dawn a ni.dang tangkai a siam nachang hriat a tul thu a tarlang bawk a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: