Johnson Garden-ah Zu lam chi reng reng kan zuar lo!

Aizawl | Feb 2023:  Mannfred Z. John, Nicholas Z. John, leh Ramthansiama chuan thuchhuah siamin, Johnson Garden-ah zu an zuar ngai lo niin an tarlang.

Mi pathumte thuchhuahin a tarlan danin, ni 23.2.2023 (khan Assembly House-ah Zodintluanga'n Johnson Garden an restaurant chu thu dik loa puh hmingchhiat tumin, whisky, wine leh rum duh tawk a lam tur a awm thin angin a puh a ni.


Thudik lo leh belhchian dawl lo, finfiahna sawi tur engmah nei loa MLA-in Assembly House zahawm tak chhungah ngei a puh an hrethiam lo in, an la na hle tih tarlangin mi pathumte chuan, Mizo thalai entrepreneurs, mahni kutkawiha eizawnna daptute min fuih (encourage) zawng ni loa, thudik lo hmanga kan rilru tina leh tihnual zawnga kan ram hruaitu atana thlan a tawng chhuak mai hi Mizo thalaite tan a pawi takzet bawk a ni, an ti.

Mannfred Z. John, Nicholas Z. John, leh Ramthansiamate chuan Johnson Garden-ah hian engtik lai mahin zu an zuar ngai lo tih tarlangin, Sorkarin phalna neite tana zawrh a phal, Mizoram tharchhuah grape atanga wine siam tak ngial pawh kan zuar ngai lo, tiin finfiahna nei si loa puh an ni chu an sumdawnna tihchhiatsak tumna a nih bakah Assembly House leh member zahawm tak takte zah lohna lian tak, mipui hmuhsitna tling a nia an hriat thu an tarlang.

"Zu lam chi reng reng kan zuar lo" tiin mi pathumte chuan an thuchhuah ah tarlangin, Chutih laiin eitur tui tak tak, menu thar a mi, a hma anga man to tawh lo leh Mizorama la awm ngai lo chu kan zuar e. Live music leh performance-te pawh kan nei chho zel dawn e. Customer duhawm tak takte lokal ve ngei turin kan sawm a che u, an ti.


(Khawngaihin, i lo share darh ve ngei dawn nia aw!)
 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(He website kal zel theih nan hian fakna lo langte hi i lo hmet ve thin dawn nia.) 

Post a Comment

He post chungchanga i ngaihdan lo sawi ve rawh:

Previous Post Next Post