I LUSUNNA A PATHIANIN A PUIH DAN CHE

 _Pathian thatna hnuaia nun dan_

— Rick Warren 

— Feb 1, 2023

“Lalpa chuan thinlunga lungchhiate chu a hnaih thin a, rilrua inchhir apiangte chu a chhandam thin.” Sam 34:18

Tu te pawh hian lu an la sun dawn. Chu lusunna chu pumpelh theih a ni lo. I kalkan thei lo va. I hel thei bawk lo a. Lusunna chu i paltlang ngei a ngai a ni. I rilru chhungril i sawi hreh emaw paltlang i hreh viau chuan, chutah  chuan i tâng mek tihna a ni.

Pathian tanpuinain i talchhuak thei ang. Heng kawng ruk te hi Pathian hnathawh dan chu an ni:

*1. Pathianin a lamah a pawt hnai che.* 

Sam 34:18 chuan, “Lalpa chuan thinlunga lungchhiate chu a hnaih thin a, rilrua inchhir apiangte chu a chhandam thin” a ti. Lusun manganga i awm laiin, Pathian chu mel tam taka hlaa awm angin i ngai maithei. Mahse i ngaihdan leh a tak tak chu a inang lo fo thin. Dik tak chuan, ni dang zawng aiin i lusun laiin Pathianin a hnaih zual che a ni.  

*2. Pathianin a sunpui che.*

Bible-in Isua chu, “lungngaihnate nei mi leh natna hre mi a ni” a ti. Isaia 53:3. Lusunna nena Isua i pan chuan, i tawrhna te a lo hriatthiampui ang che. Pathian chu tuartu Pathian a ni a, lainatnate nei mi a ni a. Mi dang emaw a hranga awm mi a ni lo.

*3. Pathianin ṭanpui tur chein kohhran a pe che.* 

Kohhran hote nena tuar tur leh damna chang tura duan kan ni. A huho hian kan chak lehzual thin a ni!

“Kristaah chuan, peng hrang hrang nimahila, taksa pakhat kan ni, peng tinte chu a inzawm vek a… inhmangaihtawnna nei ula… lawmte chu lawmpui ula, tuarte chu tuarpui rawh u.” Rom 12:5, 10, 15.

*4. Pathianin i lusunna chu i ṭhan nan a hmang.*

Pathianin lusunna leh tawrhna te hi Krista i an theih nan a hmang a. Kawng thumin hetiang hian a hmang a ni: Pakhatnaah chuan, Pathianin i tawrhna chu i rilru i pek theih nan a hmang. Bible chuan, “Ka unaute u, in rinna fiahna chuan chhelna a siam tih hriain, thlemna tinreng in,, tawh hunin lawmna hlirah ngai rawh u” a ti. Jakoba 1:2-3.

Pahnihnaah chuan, thil tha lo atangin thil tha a tichhuak thin (Rom 8:28), a pathumnaah chuan, chatuan atana a buatsaihna che a ni. 2 Kor 4:17-18.

*5. Pathianin vanram beiseina a pe che.*

Isua Krista chu i chhandamna a ni tih i rin chuan, chatuanin vanah Pathian hnenah i cheng ang – chu i beiseina chu lusunna in tawh lai pawhin i nei zel ang. Bible chuan, “Nimahsela unaute u, mi dang beiseina reng nei lote anga in lungngaih loh nan, muhilte chanchin in hriat loh kan duh lo ve” a ti. 1 Thess 4:13 

*6. Pathianin i tawrhnate mi dang ṭanpui nan a hmang.*

Hei hi tlanna avanga tawrhna a ni a, tawrhna sang ber leh tangkai ber a ni thung. “Pathianin keimahni min thlamuanna ngeiin hrehawm enganga awm te pawh chu kan thlamuan ve theihna turin ani chuan kan hrehawmna zawng zawngah min thlamuan thin.” 2 Kor 1:4 

Ngaihtuah zui atan

* Eng vangin nge Pathianin chhiatna leh lusunnate hi i tawrh a phal?

 * Kohhran emaw pawlho emaw zawm i neih loh chuan, chhiat i tawh laia nangmah tanpui thei tur che i neih theih nan vawiin hian engtin nge hma i lak ang? 

* I nuna hrehawm i tih ber eng nge? Chu hrehawm i tawrhna chu mi dang tanpui nan engtin nge i hman tangkai theih ang?

*[Lettu: Sangpuia]*

Post a Comment

He post chungchanga i ngaihdan lo sawi ve rawh:

Previous Post Next Post