Tourism minister-in Aizawl East-II huam chhunga hmasawnna hnathawh tlawh

Aizawl | Jan 17, 2023: Vawiin khan Sports & Tourism Minister Pu Robert Romawia Royte-in a bial Aizawl East-II huam chhunga hmasawnna hnathawh hrang hrang paruk a tlawh.

Aizawl Smart City Ltd hnuaia Chite Football Ground, artificial turf phahna tura hnathawh mek a tlawh a, hnathawh zawh hun Veng mipuiten an nghakhlel hle.


Minister chuan Ministry of Tourism atanga 100% funding hmanga Aizawl Convention Centre sak mek chu a tlawh bawk a, hnathawktu Wapcos Company ten mittlung taka hun rei lote kara hna chak taka an thawk chu lawmawm a ti a. He hnathawh hi kumin August thla chhunga zawh hman tum a nih thu hnathawktuten Minister hi a hrilh a ni. Hemi rual hian Chite bridge leh Bazar Haat hnathawh mekte a tlawh bawk.

Pu Robert Romawia Royte, Sports Minister leh Aizawl East-II biatu ni bawk chuan UD & PA hnuaia cheng nuai 75 senga Armed Veng chung leh Armed Veng chuanhnuai kawr chunga inkal pawhna kawng siam hna thawh mek a tlawh bawk a. Mipuite mamawhna hriaa chak zawka hna kalpui turin hnathawktute a hrilh.

Sports Department hnuaia Mizoram State Sports Council enkawla Armed Veng South Hall extension hna thawh mek a tlawh a. Hemi zawh hian1st M.A.P Ground, Armed Venga Astroturf phah leh hnathawh mekte a tlawh nghal a, phullem phah zawh tawh niin Gallery leh Field hnuai chei leh hnathawh mek chu zawh thuai beisei a ni a. hun rei lo teah hawn thuai tum a ni.

Dawrpuia Multipurpose Centre bula Basketball Court leh Trauma Centre sak mekte bakah Gym a tlawh bawk.

Minister hi Dr. Lalrozama, Sports Secretary, Pu V.Lalengmawia, Jt. Secy, Tourism, Pu K.Lalrohlua, Director, SYS, Pu Saitluanga, Director, Tourism, Er. Lalrothanga, CEO, Aizawl Smart City leh officer dangten an tawiawm a ni.
















(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post