Kolasib | Jan 15, 2023: Mizote film lama bung thar min kaipuitu tia sawi ngam 'Leitlang Pictures' aṭangin film thar 'Mimi' a lo chhuak leh hnai a, Feb 10 hian Lunglei-ah tlangzarh a ni dawn tih chuan EXPLOREMIZORAM.COM a dawng.
He film Director Mapuia Chongthu-in instagrama post a siam angin, February ni 10 hian Saikuti Hall, Lunglei-ah tlangzarh a ni dawn a ni.
Leitlang Pictures kutchhuak 'Mimi' hmeichhe pakhat nun hun thum - tleirawl, nula tir leh nula puitling a nih thlenga a hringnun tarlanna a ni.
Mimi ah hian Bawngkawn Chhimveng nula hmelṭha Vanlallawmawmi a chang dawn a, ani hi film lama a inlan vawikhatna a ni a, ngaihven a hlawh hle!
Mimi film-ah hian Kolasib tlangval Andrew Laltlankima leh H Lalhmangaiha te bakah Ethana Chohte te inlanin, Kolasib khaw mi leh sa an inlan nual dawn a ni.
Mimi film director hi Mapuia Chongthu niin, Cinematographer-te hi Isaac Lalchhanpuia, Mapuia Chongthu leh Freddie Sailo niin, anni hian editing an khawih nghal bawk.
Mimi film hi Kolasib leh a chhehvelah shoot a ni a. October 1, 2022 aṭang khan shooting ṭan niin, November 15, 2022 khan zawh a nih thu Mapuia Chongthu chuan EXPLOREMIZORAM.COM a hrilh a. He film budget hi nuai 12 vel a nih thu a sawi bawk.
'Mimi' lem a chan nan hian Vanlallawmawmi hi tleirawl chum biang anga lan a ngaih avangin a ineithau a, nula puitlinga lan leh a ngaih avangin thla khat vel lekah KG 9 vela a rihna hloh khawpin inticher leh niin EXPLOREMIZORAM.COM thudawnna chuan a tarlang.
Mimi film-ah hian Kolasib district rohlu St Johns Higher Secondary School a lang a, he sikulah hian Mimi hi sikul a kal a ni.
Mimi film hi Lunglei-ah tlangzarh tum a ni a. Lunglei, Aizawl, Kolasib Lawngtlai, Serchhip leh Champhai-ah mipui en theih tura show kalpui tum a ni a. Lersia Play-ah en theih a ni bawk ang. Darkar li vela thui Mimi film hi series tur niin, Episode 5 a awm dawn tih EXPLOREMIZORAM.COM chuan a dawng bawk.
Tunah hian editing khawih ngaite khawih zo thuak tawhin, Background music leh ṭul dangte an la khawih mek a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: