Aizawl | Jan 19, 2023: Vawiin khan Governor Hari Babu Kambhampati chuan Health Department Official te Raj Bhavanah a kawm a. He hunah hian Prime Minister TB Mukh Bharat Abhiyan hmalakna kal mek a hnathawh leh thlen chin te uluk taka thlirho a ni.
Governor hova Review Meeting hian Pi Esther Lal Ruatkimi, Principal Secretary, Health Department chuan PM TB Mukh Bharat Abhiyan chungchang sawihawnna, hmalakna tlangpui leh hmachhawp te a sawi hmasa a. Hemi hnu hian Dr. Eric Zomawia, Mission Director, National Health Mission chuan PowerPoint presentation hmangin chipchiar zawkin Mizorama PM TB Mukh Bharat Abhiyan kalpui a nih dan te a sawifiah a ni.
Governor Hari Babu Kambhampati chuan TB natna laka Mipuite an him na tur leh he natna hri umbo tura Health Department hnathawk tute inpekna leh thawhrimna chu fakawm a tih thu a sawi a. Review Meeting hmasa zawk leh tun inkarah pawh hmasawnna hmuhtur a awm tih a sawi. He hmalakna huangah hian Mizoram state chu a ziaawm pawl ni mahse tanlakna tur lai erawh a la awm tih a sawi a. TB Damdawi eitir mek te vil uluk chhunzawm a pawimawhna a sawiin a bik takin damdawi ei that loh avanga TB natna enkawl dam theihloh vei an awm loh na turin tan lak mar pat a ngai a ni a ti.
Governor chuan TB vei zingah AIDS/HIV vei leh mi harsa zawk te an awm tih a sawi a. Heng mite hian TB Damdawi an thatpui na turin ei tur tha(Nutrition) an mamawh a. Tlawmngai thei tan TB vei te tanpuina kawng Ni-kshay Mitra Program: reports.nikshay.in/FormIO/DonorRegistration kaltlangin a inhawng reng a ni a ti. Governor chuan TB vei te chhawmdawlna chu rawngbawlna pawimawh tak a nih avangin MLA zawng zawng te hnenah pawh lehkha hmangin ngenna a pe tawh tih a sawi a. Mipui vantlang zingah mi tlawmngai te rawn pen chhuak zel turin sawmna a siam bawk a ni.
Dr. T.Lalhmangaihi, Principal Director, H&FW, Dr. Lalfela, Nodal Officer, State TB Cell leh official dang te pawh meetingah hian an tel a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: