KUM HLUI

(Nunhlui)

Kumpui sul ang veiin, a thar leh thin hun leh kum te,

An her liam zela, kan nun hmanlai an chang leh thin;

Kan lawm par ang kan vul laini zawng pawh,

Kum hlui an chang leh thin.

         Chelh din rual loh kumhlui,

          I liam pui kan nun kha zawng;

          Ngaiin kan au ngei ang kan nun hlui,

          Awmkhawhar suihlunglen niin.

Lenrual duh zawngte hlim leh lawmin laitual kan leng,

Lungdumtu tangah beia kan inlawm lai zawngte;

Eng dawn lo ten i liampui leh thin maw,

Nun hlui an chang leh thin.

Her liampui mai lo hian ding reng mai la aw kum hlui,

Tawng leh hian ka inring si lo kan hlimni zawngte;

Hai ang tarin vanglaini an liam zel,

Hnah hlui an til si thin.

- Matluanga Ralte