Govt Champhai College building sak zawh har vangin lungawi lohna lantir dawn

Aizawl | Jan 31, 2023: Govt. Champhai College Zirlaite chuan an College Building sak lai hna zawh har vangin naktuk aṭang hian lungawi lohna lantir an tum.

Govt Champhai College Students Union chuan, "Commerce Department Building chu Kum 2019 aṭanga sak ṭan tawh tun thlenga la sak zawh a nih loh avangin Naktuk ni 1.02.2023 (Nilaini) aṭang hian tiam chin awm lovin sak chhunzawm a nih hma chu Lungawi lohna lan tir nan 'Sit in demonstration', Kawng zawh leh a ṭul dangte a hma lak a ni ang." tiin vawiin khan thuchhuah an siam.

Govt Champhai College SU chuan, "He building hi sak zawh hun tur a time limit-ah pawh sak zawh ala ni lo hi hriatthiam har kan ti em em a, chuvangin kan sawrkar hian chak taka hma la tur leh he kan harsatna hi min sut kiansak turin kan phut tak meuh meuh a ni." an ti a, "District khata Zirna In sangber a zirlaiten kan zirna (lecture) min pekna tur ber he tia sak zawh pawh la ni lo hi zirlaite chuan hriatthiam har kan ti em em mai a. Chuvangin, naktuk aṭang hian thu leh hnathawh a awm hma loh chuan tiam chin awm lovin lungawilohna hi lantir a ni ang." tiin thuchhuah siamin an tarlang.

Thudawnnain a tarlan danin, he building hi RUSA sum hmanga sak niin, 2019 khan bul ṭan a ni a. Kum khat chhunga zawh tur a nih laiin, hripui a leng a, a hnuah 2022 October a zo tura tih leh a nih hnu pawhin sak zawh a nih hun turah an la zo thei lo a ni.

___________________________________________________

PRESS RELEASE

Govt. Champhai College Zirlaite chuan kan College Building sak lai Commerce Department Building chu Kum 2019 aṭanga sak ṭan tawh tun thlenga la sak zawh a nih loh avangin Naktuk ni 1.02.2023 (Nilaini) aṭang hian tiam chin awm lovin sak chhunzawm a nih hma chu Lungawi lohna lan tir nan *Sit in demonstration*, Kawng zawh leh a ṭul dangte a hma lak a ni ang.

He building hi sak zawh hun tur a time limit-ah pawh sak zawh ala ni lo hi hriatthiam har kan ti em em a, chuvangin kan sawrkar hian chak taka hma la tur leh he kan harsatna hi min sut kiansak turin kan phut tak meuh meuh a ni. District khata Zirna In sangber a zirlaiten kan zirna (lecture) min pekna tur ber he tia sak zawh pawh la ni lo hi zirlaite chuan hriatthiam har kan ti em em mai a. Chuvangin, naktuk aṭang hian thu leh hnathawh a awm hma loh chuan tiam chin awm lovin lungawilohna hi lantir a ni ang.

Issue By-

Students' Union Leaders

Govt. Champhai College

Date : 31st January 2023

Place : Champhai