Burma CNA Camp Fighter-in bei!

Aizawl | Jan 10, 2023:  Vawiin (10/1/2023) chawhnu dar 3.33 khan Farkawn khaw ral mai Burma ramri chhung a CNA Camp chu Jet fighter-in a bomb a, a bomb hman hi a lian thawkhat a nih hmel, Farkawn khua pawh a nghawr nasa hle niin an sawi.

He Camp an rawn bomb tur hi CNA te hian an lo hre lawk a, an lo insaseng hman a, thi leh hliam an awm lo ni in kan thu lakna chuan a sawi bawk.
Tun lai hian CNA Doctor thiam tak (hming thup) Ṭiau ral maiah a awm a, Farkawn mipui te pawh inentir ṭhinin an chhawr ṭangkai viau niin a sawi bawk.
- Chhawrthlaphel

Vawiin khan Lunglei District-a Myanmar Refugee awm mekte chungchang ngaihtuahin District thuneitute an thukhawm a. Lungleia Regfuge

e awm mek te enkawl dan tur leh an hmalam hun atana inbuatsaihna chungchang an sawiho. 

Vawiina thukhawm chuan, Myanmar Refugee te awm khawm tam berna Thaizawla Refugee camp chungchang an sawi ho a. Tun dinhmunah Mi 730 chuang raltlan an awm tawh thu tarlan niin, a tawt deuh tawh nia hriat tlan a ni a. Hei vang hian Pukpui lama mimal inphalte ram chu Raltlan te dah sawn thenna atan a rem leh rem loh enfiah nise tih an rel a ni. 

Vawiina thukhawmah hian Hmun danga Myanmar raltlan thenkhatin Thaizawl Refugee Camp chu mahni duh thua an pan thin thu tarlan a ni a. Hei hi thalo an tih thu thukhawm ten sawiin, Thaizawla Local Refugee Board hriatpuina lo chuan tumah mahni thua luh phalloh nise an ti a ni. 

Thaizawl Refugee camp bikah Kohhran malin Biakin leh Fellowship an din chu District thuneitute chuan tihtawp nise tiin vawiin hian an rel a. Camp tanpuina leh thilpek pe tur te pawhin Thaizawl Refugee Board hnenah hriattir thin nise an ti bawk. 

Refugee ten an lirthei, Kebo Bike an kawl chu Refugee camp pawn lama tlan chhuah khapsak nise an ti a. Tul bikah chuan Refugee Board Thaizawl hriatpuina lak tir nise an ti bawk. 

Vawiina thukhawm chuan Thâl lo thleng tura raltlante tui pek dan tur bakah, Nitin eibar an zawn theih dan tur kawng ngaihtuahpui dan tur te, an inrelbawlna hrang hrang te chu District Level Myanmar Refugee Committee in a ngaihtuah atan an dah tih kan thudawnna chuan a sawi.



(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

......

Post a Comment

He post chungchanga i ngaihdan lo sawi ve rawh:

Previous Post Next Post