Zofest 2022 Mister atana thlan Rafael Sakachep hi 29 October, 2000 khan Tangpui/Tlangpui(Kalidas Punji) Hilakandi Assam ah alo pianga a pa hming chu Pu. Bulthoingul Sakachep a ni.
Tunah hian Zirlai niin B.A 3rd semester Ramanuj Gupta Senior Secondary College, Silchar ah a zir mek a ni, A san zawng hi 5.7 ft. a ni a, Zofest hmang turin Silchar atangin a rawn chho vang vang a ni.
“Ka beisei loh lutuk tianga dinhmun sang taka ka awm ta thut kha mak ka ti hle a, ka lawm bawk si, awmdan tur pawh ka hre lo a a ni ber mai. Kan hnam tana chawimawina ropui tak niin ka hria a, a buaisaihtute chungah lawmthu ka sawi a, Zofest Organiser MZP te chungah lawmthu ka sawi bawk a. Zo-hnathlak insuihkhawmna leh inpumkhatna kawnga an hmalakna hi ropui ka ti a, Zofest 2022 hi ka ngaihluin ka dam chhungin ka theihnghilh ngai tawh lo ang" a ti a ni.
Zofest 2022 Sialsuk-ah hman a ni a, Zo hnam hrang hrangte hnam thuam Costume parade entir naah Sakachep Hnam atangin mi pathum lai Top Finalists ah thlan an ni.
Zofest 2022 Lady atan Nutei Sakachep leh Gracy Sakachep te leh Zofest 2022 Mister atan Rafael Sakachep te an ni.
Gracy Sakachep chu ZOFEST 2022 Lady Top-10 ah thlantlin a ni bawk a, Gracy Sakachep hi Tangpui/Tlangpui (Kalidas Punji) Hailakandi Assam-a awm a ni a, 7th February 1997 ah a piang a, a san zawng hi 5.5ft a ni. Zirna lamah chuan graduate niin B.A history honours a ni a, tunah Vhanakya IAS Acadamy ,Guwahaty ah coaching a kal mek a Civil Service exam turin a in buatsaih mek a ni. Zofest 2022 chu a ngaihlu in ropui a ti hle a, kal a zawngchhang thlak hle a ni, a ti.
Sakachep hnam te hi India hmarchhak state 5 ah an awm in Meghalaya Jiantia hills, Nagaland Paren district, Dema Hasao (ADC), Karbi-Anglong leh Tripura leh Barak Valley District pahnih Hailakandi leh Karimganj district Thangram-ah te an awm a ni.
Sakachep hnam tamna ber chu Dema Hasao Autonomous District Council chhungah an awma, an vaiin mihring 15000 - 20000 bawr vel an nih beisei a ni. Sakachep te hi Khelma tia hriat an ni bawk a, a bikin NC hills huamchhung bikah Tripura ram chhung bika Thang-achep leh Achep te an awm bawk a ni. Sakachep te nen hnamkhat vek an ni. Aizawl khawpuiah Sakachep Welfare te dinin tam tak an khawsa mek bawk a ni.
“Zofest 2022 Sialsuk-a neiah Sakachep hnam te dinhmun sang taka min chawimawi a kan beisei phak lohin kan hnam min pholan sak avangin Zofest Organiser MZP te chungah kan lawm tak zet zet a ni. Zofest hi kan ngaihlu a, ropui kan tiin Zo hnam peng hrang hrang te hnam ziarang pholanna hun min siam sak hi a lawmawm tak zet zet a ni. Chhinlungchhuak Zofa te insuihkhawmna kawngah leh inpumkhatna kawngah MZP te hmalakna hi ropui em em a, an kal leh zelna kawngah duhsakna kan hlan a Pathianin a let tam takin malsawm zel se tiin duhsakna sang ber kan hlan bawk a ni.”
- George S Thoite Sakachep,
Secretary, Aizawl Sakachep Welfare.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: