Sialsuk | December 7, 2022: ZOFEST 2022 chu vawiin chawhma khan Chhinlung, Sialsuk-ah hman chhunzawm a ni a, Mizoram Minister of State TJ Lalnuntluanga'n khuallian niin a hmanpui a, Chin State Ex CM Salai Lian Luai chu uaptu a ni.
Chawhma Vantlang inkhawm hi MZP General Headquarters Assistant General Secretary Chinkhanmanga Thomte in a kaihruai a, Pastor Lalbiakvela'n hunserh a hmang.
Khuallian Minister of State TJ Lalnuntluanga chuan, ZOFEST hmasa berah MZP member niin ka tel a, ZOFEST kum 20-naah Khuallian niin ka tel thei hi ka lawm," a ti.
Minister chuan, "Kan unaute rahchin ram hi kan ram a ni, tih hi MZP ngaihdan a ni," a ti a. "Lusei ṭawng, duhlian ṭawng kan tih mai thiam loh vanga lo nuih te hi kan lo dodal nasa a. Tunah chuan, inpumkhatna lam kan hawi chho zel a, a lawmawm ka ti" a ti bawk.
Law minister chuan, Myanmar leh Bangladesh buaina chungchang sawiin, chhiatna mah nise, inpumkhatna kan neih nasat lehzual phah ka ring, a ti a. Hnam inpumkhatna kan kalpui mek hian rah ṭha a chhuah zel a, ram ṭha leh hmasawnna a rawn thlen ngei ka ring," a ti bawk.
Khuallian chuan, "Hnam inpumkhatna chungchang chu zawi zawiin a kal chho bek bek ang a, kan damlai mitin hmu hman lo mahse, kan tu leh fate'n a rah an la seng ang," a ti.
TJ Lalnuntluanga chuan, "Kan ram hi hmasawn der lo a ni bik lo," a ti a. "Mahni hnam hmusit a, insitna leh indahhniamna hi kan nei ang tih ka hlauva, keimahni hian kan ti ve thei a ni tih kan hriat a ṭul, a ti bawk.
Uaptu Chin State Ex CM Salai Lian Luai chuan, Mizoram mipuite'n Myanmar Zofate chunga ṭhatna an lantirnaah lawmthu a sawi a, "Mizoram mipui hi awm lo se, kan dinhmun chhiat tur zia hi sawi ngam pawh a ni lo," a ni a. "Mizoram mipuite'n min hmangaih zia an hmuhin, Burma mipuite zingah pawh Mizo ṭawng an zir phah nasa a ni." a ti bawk.
"Thil ṭha lo lo lut ṭhin hi Burma lam mite hian kan duh lova, keini lam pawh hian kan dodal nasa hle a ni," a ti bawk.
MZP General Headquarters General Secretary Jacob Lalmuanpuia chuan report leh palai inhmelhriattirna hun a hmang a. Zofa hmun hrang hrang aṭanga lokalte aṭangin thusawi ngaihthlak a ni.
Heng bakah hian hnam lam leh zai ngaihnawm tak tak te an lantir a ni.
ZOFEST 2022 hi nizan khan ṭan a ni a, Dec 9 zan thleng a awh dawn a, mipui a duh apiang chhim turin a buatsaihtu lam chuan an sawm a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: