Two Wheeler Taxi tlan dan tihdanglam hi permit pek chhuah belh tumna vangah kan ngai - ZPM Thalai

byAdmin — 0
Aizawl | Dec 21, 2022: ZPM Thalai Headquarters chuan nimin khan thuchhuah siamin, "Two Wheeler Taxi tlan dan tihdanglam hi permit pek chhuah belh tumna vangah kan ngai," an ti.

ZPM Thalai chuan, "Kum thar aṭanga two wheeler taxi-te group thumah ṭhen a, ni khata group hnih zela tlân tura ruahmanna awm chu two wheeler taxi permit pek chhuah belh tumna vângah kan ngai a, MNF sawrkâr hnuaia two wheeler taxi eizawnna tlak lovah a chhuak ta mai hi pawi kan ti hle." an ti a.


MNF party-in two wheeler taxi chu a mamawhtute hnenah pawh ni lo,  an party mite hnenah hlei hluak tak  a sem avângin two wheeler taxi hmanga eizawngte an inṭam chhuah tawh a, hlei hluak taka two wheeler taxi permit pek chhuah hian four wheeler hmanga eizawngte thlenga a chhe zawnga a nghawng avângin a pawi hle a, MNF sawrkâr chu nitina ei chawp zawngte dinhmun hriatthiampui lo leh harsa zawkte pawh rep char duhtu an nihzia a lang chiang hle, tiin ZPM Thalai Thuchhuah chuan a tarlang a. 

MNF sawrkâr chu two wheeler taxi permit pek chhuah belh tawh lo tur leh two wheeler taxi tlan dan tidanglam lo turin an phut a, mipuite changkan lehzualna tur dan a siam thei lo a nih pawhin, mipuite harsatna belhchhah tawh lo turin an ngen a ni.




(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)


Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post