HREHAWM I TAWRH LAIIN PATHIAN KHAWIAH NGE A AWM?

 _Ngaihven ru, Chanchin Tha ber chu_

— Rick Warren 

— Dec 21, 2022


“Thinlung kehsawmte chu Lalpan a hnaih thin a, rilru taka inchhirte chu a chhandam thin” Sam 34:18 (ESV)

Pathian chuan hrehawm tuar zawng zawngte a tuarpui a – nang pawh a tuarpui che a ni. Hrehawm i tawrh laiin, ralah emaw hla takah emaw, hremiah lo angin a awm ngai lo. I na kha a tuarpui che a, a ngaihsak che a. I na kha a tuarpui che a ni. 

Pa Pathian chuan i natna a tuarpui che, a chhan chu nangmah siamtu che a nih vang a ni. Bible chuan, “An rilrute chu a siamsak a ni a, an thiltihte pawh chu a hre fai vek a ni” Sam 33:15. Heti hian sawi ila, Pathian chu i rilru leh ngaihtuahna te hi mak a ti ngai lo. I thiltih mek i tihna chhante kha nang aiin a hrechiang zawk a ni. Ani chu i natna tuarpui aia nasa zawka thiltithei a ni.

Isua, Pathian Fapa chuan i natna a tuarpui che a, ani ngei pawh he leiah a tuar ve tawh a ni. Hebrai 4:15 ah chuan, “Isuan kan chak lohna zawng zawng min hriatpuia, kawng tinrenga thlemna pawh tawk tawh a nih avangin” a ti a ni (CEV). 

Rilru natna te, kalsan nihna te, khawharna te, sawiselna te, enhranna te, hnawl nihna te leh phatsan nihna zawng zawng pawh a hrethiam vek a ni. Krawsa a tuarna leh kan sual zawng zawng a phurhna chu han ngaihtuahpui ve teh? Krawsa a thihna chu tuarna duhawm lo ber a ni.

Thlarau Thianghlim pawhin a tuarpui che a. Engtin nge? Tawngtai dan tur i hriat loh pawhin, Thlarau Thianghlim chuan a tawngtaipui che a ni. Biblein min tiam tawh angin, “Thlarau chuan kan chak lohnate a pui thin a; engtia tawngtai tur nge tih kan hre si lo va; nimahsela Thlarau chuan rum sawi hleih theih lohvin min tawngtaisak thin” Rom 8:26

Hrehawm i tawrh laiin Pathian chu khawiah nge a awm? A tuarpui che a. I kiangah a ding a. Natna tuartute tuar dan pawh a hrethiam vek a, a lainat takzet che a ni.

A ni chu hla tak awm Pathian a ni lo, “Natna i tuar chu a pawi ka ti hle mai” titu ang a ni lo. “I natna hian mi ti na ve” a ti satliah lo a. Lainatna nen, “I na tuar hi a tawp theih nan ka tih theih apiang hi ka ti ang” a ti zawk a ni. Chutiang chuan Isuan a ti che a. A lainat em che avangin Krawsah a tuar phah ta a ni.

Tun Krismas-ah hian hrehawm i tuar a nih chuan, hei hi hrereng la, “Thinlung kehsawmte chu Lalpan a hnaih thin a, rilru taka inchhirte chu a chhandam thin” Sam 34:18 (ESV)

I thinlung a kehsawm hnu aia nasa a Pathian hnaih i nei ngai lovang. I natin i hnenah, enkawl tur leh tuarpui tur chein a awm a ni.

Ngaihtuah zui atan

* Krismas hian eng natna tuartute tan nge harsatna a thlen bik? He hunah hian chung ho chu engtin nge i puih anga rawng i bawlsak theih ang?

* Lungngaihna nasa tak i paltlang lai khan, Isua pawn a tuara, mi dang pawh a hriatthiampui a ni tih i hriatchhuah hian nangmahah awmzia eng nge a neih?

* Hrehawm i tuar hian Pathian i ring zual nge, i ring lo tulh tulh zawk? Engvang nge? 

*Nitinin Isua zui rawh*

 He krismas-ah hian, i thinlung hawng la, i nunah Isua êng chu entir la, i hun thim lai chauh ni lovin, i hun puma tan entir rawh. He tawngtaina hmang hian bul tan ang che:

“Aw Lalpa, i eng chu ka nun hian a mamawh a, min hruai la, min thlamuan la, min tilawm ang che. I hmaah hian misual mai ka ni a, i mi ngaihdamna ka dil a che. Ka thanlen theih nan i eng ka mamawh a ni. Isua Krista, i hmangaihna eng chu ka thinlungin dawng tura ka inpeih ang hian. Krismas thilpek atan ka pawm duh a che. Nangmah rin leh i hnung zui ka duh e. I âng chhunga min pawm ve turin ka phu vang niloin, i hmangaihna leh i êng ka rin vangin ka dil a che. Isua hmingin ka dil a che. Amen”

Isua pawm tura i tawngtai thei a nih chuan, hetah hian min lo email ang che Rick@PastorRick.com. Tichuan Isua nena nun bul i tan theihna tura thil pawimawh a thlawnin ka lo thawn dawn che nia.  

*[Lettu: Sangpuia]*

Post a Comment

He post chungchanga i ngaihdan lo sawi ve rawh:

Previous Post Next Post