Aizawl | Dec 16, 2022: Mizo Zirlai Pawl (MZP) General Headquarters chuan vawiin December 16, 2022 chawhnu dar 1 khan kumin atana MZP Pisa Pui kharna hun leh Krismas Urlawk an hmang a. He hun hi MZP Vice President Pu Andrew F Lalramnghaka'n a kaihruai.
He hunah hian MZP President Pu Lalnunmawia Pautu chuan, kum thar tira Board exam hmachhawn tur Zirlaite chu hun pui lo thleng tur hman dan thiam turin a chah a. Mahni inthunun chunga hun hlimawm tak hmanga, an zirlai thlahthlam lo turin a chah bawk. Tin, Mizo mipuite pawh zirlaite hmakhua ngaihtuah chunga hunpui hmang turin a ngen a ni.
MZP President chuan, "MZP Pisa Pui hi khar mah ila, kan ram leh hnamin min mamawhna zawnah chuan engtik lai pawhin MZP chu a che chhuak thei reng dawn a ni," a ti a. "MZP chuan beih leh sel tawk fo mahila, zirlaite leh kan ram leh hnam tan theihtawp chhuahin hun kan hmang thin a, theihtawp kan chhuah zel dawn a ni," a ti bawk.
MZP General Headquarters Adviser Pu F Lalnienga pawhin kalkhawmte fuihna thu a sawi a. Engkimah ram leh hnam dah pawimawh hmasa turin MZP hruaitu kalkhawmte a chah. MZP General Secretary Pu Jacob Lalmuanpuia chuan pawl hmalakna langsar zual a tarlang.
He hunah hian MZP aiawha North East Students' Organisation (NESO) Vice Chairman thar Pu Ricky Lalbiakmawia leh NESO Coordinator thar Pu Lalremruata Hlawndo bakah MZP hruaitu hlui leh MLA ni chunga Ph.D nei thar Dr. L Thangmawia te lawmpuina hlan an ni a. Kum 2023 MZP Calander tlangzarh a ni bawk.
MZP Pisa Pui hi kum thar 2023 January ni 18-ah hawn leh tum a ni bawk.
......
MZP PRESS RELEASE
Mizo Zirlai Pawl (MZP) General Headquarters chuan vawiin December 16, 2022 chawhnu dar 1 khan kumin atana MZP Pisa Pui kharna hun leh Krismas Urlawk an hmang a. He hun hi MZP Vice President Pu Andrew F Lalramnghaka'n a kaihruai.
He hunah hian MZP President Pu Lalnunmawia Pautu chuan, kum thar tira Board exam hmachhawn tur Zirlaite chu hun pui lo thleng tur hman dan thiam turin a chah a. Mahni inthunun chunga hun hlimawm tak hmanga, an zirlai thlahthlam lo turin a chah bawk. Tin, Mizo mipuite pawh zirlaite hmakhua ngaihtuah chunga hunpui hmang turin a ngen a ni.
MZP President chuan, "MZP Pisa Pui hi khar mah ila, kan ram leh hnamin min mamawhna zawnah chuan engtik lai pawhin MZP chu a che chhuak thei reng dawn a ni," a ti a. "MZP chuan beih leh sel tawk fo mahila, zirlaite leh kan ram leh hnam tan theihtawp chhuahin hun kan hmang thin a, theihtawp kan chhuah zel dawn a ni," a ti bawk.
MZP General Headquarters Adviser Pu F Lalnienga pawhin kalkhawmte fuihna thu a sawi a. Engkimah ram leh hnam dah pawimawh hmasa turin MZP hruaitu kalkhawmte a chah. MZP General Secretary Pu Jacob Lalmuanpuia chuan pawl hmalakna langsar zual a tarlang.
He hunah hian MZP aiawha North East Students' Organisation (NESO) Vice Chairman thar Pu Ricky Lalbiakmawia leh NESO Coordinator thar Pu Lalremruata Hlawndo bakah MZP hruaitu hlui leh MLA ni chunga Ph.D nei thar Dr. L Thangmawia te lawmpuina hlan an ni a. Kum 2023 MZP Calander tlangzarh a ni bawk.
MZP Pisa Pui hi kum thar 2023 January ni 18-ah hawn leh tum a ni bawk.
Sd/-
(H LALTHUTHLUNGA ZATE)
Secretary i/c Publicity
No. E-93/MZP-GHQ/2021-2023/78 Dated: Aizawl, the 16th December, 2022
Post a Comment
He post chungchanga i ngaihdan lo sawi ve rawh: