Aizawl | Dec 5, 2022: Zorimawi huanga sulsutu ropui ber te zinga mi, multi-musician, phaiphuleng, guitar, leh Drums vuakthiam,rock khuangpu tha elkhen chuan Zamual a liam ta.
Sawrkar milian hmasa, Assam Civil Services(ACS) anga hnathawh reng tawh hnua a mizoram UT a lo nih hnu a, MCS anga service zui ta, Pu J Pazawna fapa Jeremy Zobiaka(Fam) ten Zawlkhawpui Rimawi khawpui ang mai a an Siam a an nghawrnghin lai, tuna "Vanapa hall" theatre hall a nih lai, a building hlui a Mizo Solo and beat contest kumtin I&PR deptt leh Tourism deptt ten an huaihawt thin laia Jeremy Zobiaka, mizo rock Legend khuang lo thlir sak thintu, Palian leh hmeltha, sam sei hnup mai, sambu tha bawk si, American Southern rock musician niawm tak leh chutiang hmel pu deuh roh, stage chunga khuang intlar tuar hma a a thut tawh a boruak siam thiam leh amah hmuhnawm hranpa ve hrim hrim chuan Zamual min liam San ta, Zorimawi khawvel tan channa nasatak a tling awm e.
Kum 1970 chawhnu, 1978, 1979, leh Kum 1980 chawhma lam, 1982,1983,1984,1985, hunlai te kha Rimawi khawvel a a lar vanglai tak a ni.
Mi maksak, mibik, tawng chi hrang hrang thiam zung zung mai mi a ni a, chutiang talent a neih avang chuan lehkha zir sang si lo, high school pawh zo silo nimahse India ram khawpui zawng zawngah tlangnel tak a Cheng ve thei,hippies te pawh kawm a music te play pui mai thin a ni.Hetiang taka midangdai, hranghlui, drummer chanchin sawi tur ngah hi a uihawm teh a sin.
Chutiang taka mi dangdai leh tawng thiam tam chuan Khawvel hi a chhek arbawm nangiang reng tak a sin, USA lamah chhuk thlakin eng tin tin emaw Maryland lamah te zuk inbengbelin a hringnun zinkawng a hun tam ber chu America ah a zuk Cheng ta nghe nghe a ni.
Rei tak America a a zuk khawsak hnuin a ram leilun ngeiah rawn kir lehin he Rimawi ram, Mizoramah hian a lu a phum dawn ta a ni,khuang nen a a lo chawi, drums khuang intlar zui mai, mizo thalaite Beng ti Tlai em em a a lo thlir kualna ram ngeiah chuan.
Early 80s vela Aizawl khawpui Rock Band kar ber ti a chhal ngam, Rock Wizzard lead guitarist James B Ralte khan, a damlai Khan "Saithangpuia khuang vuak a guitar play nawm zia leh a vuak khat that zia leh tingtang perhtute cho phur tur a a khuangvuak-ah sehmeh leh bawlhlo a chawhpawlh thiam zia hahipin a sawi thin" a ni
Mizo Zaithiam hranghlui ho audio album, hmanlai tawng takin Cassatte-ah hnuhma a nei nual, C Lalrinmawia Cassatte hmasa, Tawnmang Lasi tihah Khan Drummer Nghilhlova nen hla hrang hrang an invuak chhawk tluanparh a ni.Tin, Khang hunlaia Zaithiam album thenkhatah khuang vuak sak nualin, mi ram recording studio te anga mumal taka thil chhinchhiah mumal a nih ve loh avangin eng eng hlaah nge Saithangpuia'n khuang a vuak tih erawh mumal taka hriat a harsa ta a ni.
SAITHANGPUIA hi a Chawkawng Lawng(ulcer)nasa lutuk chu Silchar Damdawiinah va Inentirin, Doctor ten cancer ni a an rin thu an lo sawi a.In lamah haw leh rihin rin loh deuh maiin hetiang hian a kal ta thut mai ni-in a farnu chuan a sawi.hetiang thil vanduaithlak a thlen lai hian Vairengteah a awm mek a ni.
- C Lalthazuala, Bematuale
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: