HUN HARSAT LAIA PATHIAN ṬHATNA A INNGHAH DAN

 _Pathian ṭhatna hnuaia nun_

— Rick Warren 

— Dec 27, 2022

“Lalpa chu a ṭha si a; a ngilneihna chu kumkhuain a awm ang a; A rinawmna chu chhuan zawng zawng thlengin a awm ang.” Sam 100:5

Kristian chhungkuaa seilian i nih chuan, naupan lai aṭangin he ṭawngṭaina hi i ṭhanhnan tawh maithei. “Pathian chu a ropuia. Pathian chu a ṭha a. Chaw ei tur min pek avangin lawmthu kan sawi e. Amen.” He ṭawngṭaina hi mawlte nimahse. Pathian nihphung kawng khatin a lantir a; chu chu Pathian ṭhatna hi a ni.

Pathian chu engtiklai pawhin a ṭha tih hi a dik chiah em? A dik em em a ni! Mahse mi tam tak chuan an rinna an lantir si lo a ni. Thil tam tak avangin Pathian ṭhatna hi rin harsa an ti a, natna i tuar te hian a ni zual a ni. Buaina i tawh phei chuan, i theihnghilh hmin der ṭhin. Rilru lama harsatna i tawh phei chuan, mi zawng zawng chungah Pathian a ṭha a, nang chu kal kan niin i inhre ṭhin. I thawpikna leh manganna a zual phei chuan, i tan Pathian chu fel mahse, Pathian ṭhatna chu hmu tlem lehzualin i inhre ṭhin.

Pathian ṭhatna chu hrefiah rihlo mahla engtin nge amahah chuan i innghah theih ang? Pathian Thu, Bible chuan a ṭhatnate min hrilhnawn awn awn a. Sam 100:5 chuan, “Lalpa chu a ṭha si a; a ngilneihna chu kumkhuain a awm ang a; a rinawmna chu chhuan zawng zawng thlengin a awm ang.”

I nuna Pathian ṭhatna entlat hi a pawimawh hle mai. Hun thim ber lai pawhin thlirdan dik a pe thei che a ni. Pathian ṭhatna i theihnghilh tawh chuan, thlirdan dik i hloh a, harsatna i hmachhawn chauh a hmuh tir ṭhin che a ni.

Pathian chuan i hun harsat lai ber pawhin inrintawkna nun neihtir che a duh a ni. A hmangaihna leh ngaihsakna hmuhtir che a duh a. He khawvelah hian danglamna i thlentir theihna turin hun remchang leh midang hneh theihna pek che a duh a ni. Vanah i rochun tur chatuana amah nena chenna tur in pek che a duh bawk a ni. Chu chu tunge duh lo vang? Tunge mamawh lo vang?

Chutichuan Pathian ṭhatna chu engtin nge i tem ve theih ang? Bible thu i chhiar leh i ngaihthlak aṭangin i zir thei ang a — amah chibai i bukin Pathian ṭhatzia chu i tem thei ang. Pathian chibai bukna lo chuan thildangin a pui thei lo vang che!

Bible in Sam 34:9 ah chuan , “Thil ṭha ber i duh chuan Pathian chibai buk la; chibai bukna chuan a ṭhatna lantirna tur kawng zawng zawng a hawng a ni (The Message). Pathian ṭhatna i temna kawng chu chibai bukna aṭang a ni a — Pathian chu tu nge a nih tih leh a thutiamte chu eng nge a nih tih i fakna leh lawmthu i sawina aṭang a ni.

Pathian ṭhatna i rin leh i hriatthiamna aṭangin, i hun tawng zir zelin i thil thlirdan leh i nun a thlak danglam ang a. A ngai rengin i awm lo vang!

Ngaihtuah zui atan

* Pathian ṭhatna i hun kalta a i hriatrengna avang khan tun huna i tawrhna hian i nunah awmzia eng nge a neih?

* Pathian ṭhatna i rintlat avang hian i nun hman chhoh zelnaah engtin nge inrintawkna a pek che?

* Pathian Thu ah englai ber hian nge Pathian ṭhatna hriatnawn tir che?

Vawiin hian Isua i zui angem?

Pathianin a ṭhatna Isua Krista kaltlangin a nemngheta. Bible chuan, “Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan” a ti (Johana 3:16).

Chatuana nunna a tiam che a tihhlawhtlinna turin Pathian i ring em? I ring a nih chuan, heti hian ṭawngṭai ang che, "Lalpa duhtak, Isua Krista hi i Fapa a ni tih ka ring a. Ka sualnate puangin thupha ka rawn chawi e. Ka sualnate la kiang turin Isua a thi a, i kaitho leh a ni tih ka ring e. Chhandamtu atan Isua ka pawm a, vawiin aṭangin hian ka Lalpa atan ka pawm a, a hnung zuitu nih ka duh e. Ka nun hruai la, i duhzawng ti turin min pui ang che. Isua hmingin ka dil e. Amen."

Isua pawm tura i ṭawngṭai thei anih chuan, he email ah hian min lo bia la Rick@PastorRick. Isuan nen nun bul i ṭan theihna tura i mamawhte a thlawnin lo thawn che ka tum dawn a ni.

[Lettu: Sangpuia]