B.Tech Civil Engineer Gold Medalist 2022 Zotea Sailo

Mizoram University (MZU) hnuaia B.Tech (Civil Engineer) 2022 Topper Laltlanzova kan bel chiang.


Laltlanzova hi Zotea ti a koh thin niin January 21, 2000 khan Pu Lalthianghlima Sailo leh Pi Lalremtluangi te fa 5 zinga naupang ber ni turin a lo piang a, unau mipa 2 leh hmeichhia 3 an ni.

Zotea te hi Champhai Bethel Vengah chengin Presbyterian Kohhran-ah an lawi mek ani.

Zirna lam:
1. Pawl 1 - Pawl 10 khawiah nge i kal?
- Bethel Mission School,King Solomon School,Eastern Flower Academy,Bethel High School,Gandhi Memorial High School(GMHSS)

eng zatna nge i nih thin : Class1-8 vel thleng hi a vantlang chin ka ni ve thin a,Class 9 atang Top10 ah ka lang ve chho tan zel a ni.

Pawl 10 pass kum ? 
- 2016

2. Pawl 12 hi khawi atangin nge i pass? chuan, engah nge, a kum nen ?
- 12 Pass na hmun-Gandhi Memorial Higher Secondary School(GMHSS),Division-2ndDicision,Pass chhuah kum-2018 ,

3. Zirna sang zawk i zir leh i zirna hmun leh kum? 
- BTech(Civil Engineering),Zirna hmun-Mizoram University.

📌 I lehkha zir dan?
- Nikhat ah a tlangpui in Darkar4 vel ka zir a,Regular reng chuan ka zir bik lo a ni. Exam hnaih dan a zirin ka zir tam in ka zir tlem ve bawk. Lehkha zir dawnah Bible chang hnih tal chhiarin ka tawngtai hram thin bawk.

📌 harsatna I hmachhawn dan?
- Ka zirna kawngah hian harsatna ka tawk ve fo thin a ni. Ka naupan lai atang lehkha thiam thei ka nih loh avang hian Class a Note ByHeart tur te hi a thiam muang ber ka ni reng thin a,mahse beidawn phah na atan erawh ka hmang duh chuang lova,ka bei ve tang tang thin a ni.
2009 khan Class 5 ka ni a,hemi kum hian Sinus hritlang natna ang hi ka nei ve tan a,a nasat thin em avang in lehkha ka zir mumal thei lova,Class5 chu ka beinawn ta a ni. Pathian khawngaihna zarah Class5 tih loh chu tluang takin ka zo ve zel a ni.

📌 Gold medalist i nihna (Subject) leh CGPA?
- B.Tech(Civil Engineering),CGPA-8.58

📌 Gold medalist ni tura i beih dan?
- Lehkha thiamthei ka nih loh avang hian ka zir hnem a,Bible chang thuvawn ka nei ve a - MATTHAIA 21:22 - "Tin, engkim, ring chunga ṭawngṭaia in dîl apiang chu in hmu ang,” a ti a, a chhâng a". He bible chang hi ring tlat chungin lehkha ka zir thin a ni. 
Class hi ka thulh ngai lo hrim hrim a,class lecture uluk takin ka ngaithla thin a hemi avang hian nasa takin ka lehkha zir te ka hriatthiam theih phah a ni. Ka classmate te hi ka el a,mahse ka er hauh lo thung a ni.Classmate te inkar ah Competition a awm chuan nasa takin hma kan sawn thin bawk a ni.
Teacher te'n class an lak laiin zawhna ka zawt reng thin a, a te lua awm lovin ho deuh te pawh ka zawt thin a, hemi hian ka zirlai ah tui na min pe thin a ni.Kan zirlai kan tui chuan lehkha hi hrehawm ti kher lovin a zir theih a ni.
    
 
                                         
    

📌 Gold medalist ni tura i beihnaah faculty lamin an ṭawiawm/pui ṭha chein i hria em?
- Kan teacher te hian zawhna ka neih apiang in tha tak leh in hawng takin min lo pui thin a,ning hauh lovin min zirtir thin a ni.Zawhna leh harsatna kan neih te kan thlen hian an lawm zawk thin a ni.

📌 I zirna atana i chhungte pawimawhna:
-A hmasa berah chuan Pathian a ni a,Pathianin min enkawl turin chhungkua tha tak min pe a,ka zirna atan nei leh nei lovin puk chawp pawh in min kal tir hram hram thin a,an tel lo chuan hetiang dinhmun hi ka thleng theilo hrim hrim a ni. Ka nu in Exam dawn tuk apiangin Ka lu chungah kut nghatin min tawngtai sak ziah a, Btech ka zir hnu pawh in hmun hrang a ka awm avang kan exam dawn tukah Phone call hmangin min tawngtai sak hram thin a ni.

📌 I zirna atana i ṭhiante pawimawhna:
- Thiante hi an hlu em em a,thianah hian kawm bikte kan nei ve thin a,keipawh thian kawm ngeih bik ka nei ve a, kan thian ho hming ah 'FS' kan vuah a a awmzia chu 'Fight to Survive' tihna a ni a, kan hming ah kan dah tel ve zel thin a ni. Kan thian ho hming FS hian nasa takin tumruh na ah min pui ve bawk a hlawhtlin ngei tum na ka neih len ve phah em em bawk a ni.

📌 I duhzawng leh ngainat zawngte:

Rawng - Black

Chawhmeh  - Vawksa,Bawngsa,Arsa,Sangha leh Thlai 

Incheina - Smart

Rimawi –Pop Music

Mizo Ziaktu zingah - Mafaa Hauhnar

Hla- Gospel

Hla phuahtu - K.Hminga

Teacher - BTech-Sir H.Laldintluanga,Sir Ricky L Chhangte. Class1-12 : Sir Lala(BMS),Sir Ngura(GMHS),Sir H.T Lalthlengliana(BHS),Sir Ngaiha(GMHSS)

📌Mize ngainat zawng: Kulhmuk vak lo,fiamthu duh tak,inngaitlawm leh fiam ngam tak.

📌Mize ngai nat loh zawng - Engtik lai pawh a urhsun leh thutak reng,fiamthu hrelo.

📌Hobby- Music:Drums,Guitar,Keyboard.   Sport:Table Tennis,Football

📌Relationship status - Single

📌Kawppui atan duhzawng - Theih ang tawk a Pathian tih mi. 



                                    

Zawhna dang:::
1. A tel lova i awm theih loh: Bible (chhiar kher loh pawhin ka chhuah vahna ah ka ak tel ngei ngei thin.)

2. I nun kaihruaitu: Bible chhiar leh Tawngtai,Nu leh Pa fuihna.

3. Hringnuna i hlauh ber: Mizia hloh,Chhungkaw keh chhiat,Pathian hloh.

4. I tih ngai miah loh tur: Ruihtheihthil, Nupui neih hma a Mipat Hmeichhiatna hman khawloh,Mi Hmuhsit.

5. Mizo Tualzal nuna ṭha i tih:
- Tlawmngaihna(In kang,in chim hi a bikin kan sawi chhan anga, hetiang vanduaina a thlen te hian Mizo tlawmngaihna alo lang em em a, a neitu te man chawi ngai lova in kan sak that sak that sak thinte hi ram dang zawng zawng aia kan ropui na pakhat a ni.)

6.  Quote i duh ber: "Tin, engkim, ring chunga ṭawngṭaia in dîl apiang chu in hmu ang,a ti a, a chhâng a".     -Isua


7. Mizote tan 'Fa neih tlem' inzirtir hi a ṭulin i hria em? 
- Ka ngaihdan ah chuan Fa neih tlem inzirtir hi a tulin ka hre lo a ni. Fa neih tam vanga eitur nghei phah em turin Pathianin tumah a dah dawn lo tih hi ka ring tlat a, fa neih hnem chuan nakin ah chhungkua an lo rual a, chhungkaw zahawm tak an lo ni thin.


8. Mizo hnam ṭhanmawh bawk nia i hriat?
- Mizo te hi kan lungawiloh na hi kan in phun lungawi mai thin a,heihi ka vei ve em em a ni.Kan lungawi loh na te hi a tak in che chhuak ngam ila kan ram hmasawnna rahbi tha tak pakhat a ni ngei ang.


9. Mizo hnam damna atana  kawng awm nia i hriatte?
- Mizo ah hian hnam hrang hrang kan awm a,hnam tin te hian mizo kan ni tih rilru pu nghet tlat ila,in la hrang mai lovin hnam pumkhat a kan awm hi kan ram damna tur pakhat a ni.
  "Lungrual te a leng za in,
I tangrual ang unau za kan ni;
Hnam leh chibing in chemhar mai lovin aw,
Remna hmangaihna parchhuang rawh se.
Van hnuai ah zo hnam a ropui zel dawn".



10. Hnam chhan nana Hmeichhiate ṭangkaina leh mawhphurna?
- Mizo hmeichhia te hian kan mipa ngaihsan zawng te hi uluk ila,hmeichia te'n an mipa duhzawng a zirin mipa te an in thlak dannlam thin a ni tih hria ila,chuvangin hmichhia te hi kan pawimawh hle a ni. 
Hnam dang neih te hi tum lo  hram hram ila,kan hnam nasa takin a ti zahawm thei dawn a ni, chuti ni lova hnam dang an neih sup sup chuan kan mizo mipa te kan zahawmna a hniam mai bakah kan hnam chereu na bul pui pakhat a ni.

11. Zirna, Khawtlang leh Kohhran hi?
- Zirlai kan nih lai hian Kohhran leh khawtlang ah inhman loh tawp hi a ngai ka ti lova, mahse a lo a luat a in hman hi a ngai lo a ni. KTP, TKP, PYD, etc ah te hian inkhawm zan ah te chuan inkhawm ve hi a tha ka ti a, mahse hla zir te, activities dang ang chi te hi chu tel lo ngam ila, kan tel loh avangin engmah an thil tih a thuanawp phahlo tih hria ila, nakinah kan zir chhuah hunah Khawtlang leh Kohhran tan a mi tangkai tak kan la ni thei dawn a ni tih hria in tha takin lehkha zir phawt hi a tha a ni.

12. Khawtlang, Kohhran leh nangmah:
- Class 12 ka zawh hma hi chuan YMA leh KTP activities ah ka tel em em lova, mahse KTP inkhawm pangngai ringawt hi chu ka inkhawm reng ve thung. Musician a min lo ruat anih erawh chuan ka pha ngai lo thung a ni. Inkhawm ban ah lehkha chu ka zir leh nghal mai zel a ni. 

Monday exam a nih chuan a hma sunday pawh ka la inkhawm tang tang thin a, ka nu hian Pathian rinchhan in va inkhawm rawh ti in thu min chah thin a, ka tih chhiat phah ngai lo a ni.
Kumtawp Christmas hla rem te hi kan exam zawh thin tawh avangin ka rem ve thin ni.

13. Social Media leh Nangmah:
- Social Media hi hman thiam loh chuan nun ti chhe thei tu lian tak a ni. Instagram, Whatsapp leh Youtube ka khawih deuh ber a ni. A tha zawng a hman hram hram ka tum a ni. Instagram ah @Civil Engineering Facts Page ka siam a hei hian ka zirna leh inchhiar zauna ah nasa takin min pui a ni.

14. Mizoram ṭhalai tam tak tlakchham:
-Taimakna hi Mizoram thalai tam tak te'n kan tlakchham a ni.
 Taimakna hi engkim ah a pawimawh vek a, zirna kawngah te, khawtlangah te, inchhung khurah te kan thatchhiat miau chuan kan hlawhtling thei lova kan chhawr tlak loh bawk a ni. Engpawh thawk dawn ila kan taimak phawt chuan hlawhtlinna hi a awm zel a ni.

15. Mizo ṭhalaite hian ngaihsan tur dik an ngaisangin i hria em?
- Mizo thalaite hian Dress sang  leh chhungte neih nun na ring a inthuam nung a thawh chhuah nei silo te kan ngaihsan hi bansan a ngai ka ti a ni.

16. Ngaihsan tur dik nia i hriat:
- Mizo thalai te hian mi taima leh Pathian ngaihsak hi kan ngaihsan a pawimawh a, eng hna pawh thawk se, a hna a hniam emaw a sang emaw thawh hreh nei lova taima taka hna rinawm taka thawkte hi kan ngaisang tur a ni.

17. Hlawhtlinna tura pawimawh: Taimakna, Dawh theihna leh Pathian tih.

18. Hloh i hlauh ber: Mizia hloh leh Pathian hloh.
               

19. Hnam dang nupui pasal neih hi:
- Hnam dang nuipui pasal neih hi ka thlawp theilo hrim hrim a.Kan hnam hi a zahawm na tur chuan hnam dang kan neih a rem lo a ni,kan hnam kan humhlah na tur kawng lian ber chu mahni hnam ngei nupui pasal a neih hi a ni.

20. Nupui pasal inneih hmaa mipat hmeichhiatna hman hi?
- Pathian huat ber chu nupui pasal inneih hma a mipat hmeichhiatna hman hi a ni. In ngaihzawnna kawngah Pathian hi hriat reng tur a ni a,hei hian thianghlimna kawngah a pui em em dawn  a ni. Mipat hmeichhiatna kawnga kan fihlim a kan in vawn tlat chuan Pathian in malsawmna in a vur ngei ngei dawn a ni.

21. Hlawhtlinna hi?
- Tu pawhin hlawhtlinna hi kan nei thei vek a, mahse a tei rei peih leh ti hram hramte tan chauh a ni ve thung.

I thalaipuite tan fuihna : 
 - Zirna kawng ah hian lehkha zir ngut ngut ringawt hi zirna in a tum a ni lova, mi tam tak chu an zir nasat avanga chut hmel ang mizia an pu thin hi ka ngaimawh em em a ni.
 Education in a tum chu ALL ROUND DEVELOPMENT a nih na angin Sport hun a nih chuan tha takin tel ila, zir hunah nasa takin zir ila ka duh a ni.


      
EXPLOREMIZORAM.COM i hmuh dan:
-Explore Mizoram hi a hlu ka ti a,hmasawnna ah min pui a,hriat zau na kawngah te leh talent nei tha tak tak te tana kailawn tha tak a ni.







(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

1 Comments

He post chungchanga i ngaihdan lo sawi ve rawh:

  1. Zotea hi school ka luhpui thin ania.Mi tha tak,a thinrim hmel hi ka la hmu ngailo reng²,chutiang khawpa mi rilru zau ania.A bright em² mai bawk a(mahse tun hma kha chuan drumstick nih kha atum thin a😂) ,zirtirtute thu pawh a awih thin hle.A ri thei tawh phawt hi chu atum thei vek emaw tih mai tura music thiam ania.He dinhmun pawh hi aphu takzet ani.A zawhna chhanna te zawng² ka chhiar pawh hi a nungchang te nen a inmil vel vek mai.A kal leh zelna turah duhsakna sang ber ka hlan a,kohhran leh khawtlang tan mi tangkai tak ani a,kan ram leh hnam tan pawh hna ropui tak tak ala thawk ngeiin ka ring.

    ReplyDelete

Post a Comment

He post chungchanga i ngaihdan lo sawi ve rawh:

Previous Post Next Post