K.Remruatfela
Argentina ram chhunga Football thuneitu sang “Argentina Football Association” hi ni 21 February, 1983 khan tan a ni a. AFA din a nih theihna tura a sulsutu ber chu Alexander Aatson Hutter niin a hming lemah ‘the father of Argentine Football’ tih a ni hial nghe nghe thin. Argentina Football Association hi Europe pawna Football Association ding hmasa ber a ni a. AFA President hmasa ber chu Florencio Martinez a ni.
Argentina Football team anga Football an khelh kan hriat theih hmasak ber chu ni 20 June, 1902 niin hemi tum hian Uruguay khawpui ‘Montevideo’-ah mual neitu Uruquay nen an inkhel a. Si ruk fai laiin hnehna an chang nghe nghe. Nimahsela, hemi tum hian tuna an jersey a pawl dal leh a vara tial thla hi an la ha lova. An hak tanna tak chu ni 2 July, 1908-a Sao Paulo khawpuia a thlengtu Brazil nen an inkhelh tum khan a ni.
Kum 1912 a lo inher chhuah khan vanduaithlak takin Argentina Football chhungkuaah inthendarhna a thleng a. Hotu thenkhatte atangin a hranga league neih duhna a lo piang a. Chu chu a hmingah ‘Federaion Argentina de Football’ tiin an phuah. Amaherawhchu, hun a lo kal zel a, kum 1926 atang chuan that akin an inzawmkhawm leh ta a. Chuta tang chuan chhungrilah innghirhona zeuh zeuh awm thin mah se, vawiin thleng hian tluang takin ‘Argentina Football Association’ chu a lo kal chho ta zel a, a lawmawm khawp mai.
Argentina Football team hi an jersey rawng behchhan deuh hian ‘the Albicelestes’ tih pawhin an ko thin a. A awmzia chu ‘a pawl dal leh a var’ tihna mai a ni. Football ngaina ram leh tuipui ram tih takah hlawhtlinna pawh an chang hma em em a. AFA din hnu rei lo te, kum 1907 - 1911 inkar khan a zawn zatin vawi 4 lai a hunlaia Football inelna lian tham ‘Newtons Cup’ an chawi a. Tin, hetih lai hian kum 1906 – 1909 inkar khan football inelna chi khat tho ‘Lipton Cup’ an chawi bawk a ni. Heng baka hlawhtlinna lian tham an chan hmasak ber chu kum 1921 khan South American khawmualpui pumpuia inelna ‘South American Championship’ lawmman pakhatah an lo hlawh chhuak tawh bawk.
Kum 1930 atanga khawvel pum huap ram khawmualpui hrang hrang huapa Football inelna ‘FIFA World Cup’ neih tan a nih pawh khan Argentina Football Team te hi a sulsutu ber an ni chho ta zel a. Hemi tum hian final hial an thleng nghe nghe a ni. Hemi chhiar tel hian Argentina hian FIFA World Cup final vawi 5 an thleng tawh a. Heng zingah hian vawi 2 hlawhtlinna changin a vawi 3 lai vanduaina tawk zawkah an tang thung.
South American khawmualpui pumpuia Football inelna ‘Copa America’ lamah erawh dinhmun nei tha ber ram an ni a. Vawi 15 lai champion nomawi an chawi tawh a ni. Tin, heng bakah hian FIFA Confederation Cup te, CONMEBOL –UEFA Cup of Champions te, Nations Cup te, Oympic Football Tournamnet te, Finallisima Cup te chawiin hlawhtlinna an lo chang nual tawh hlawm a. Chung an hlawhtlinna chan zawng zawngte chu thupui hlawm dangah la tarlan zel a ni ang.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: