Ticker

10/recent/ticker-posts

WORLD CUP 2022 | Messi hovin Argentina an tlawm!

Aizawl | Nov 22, 2022: Argentina chuan Qatar World Cup an match hmasa berah Saudi Arabia 2-1 in an ngam lo.

Lionel Messi tan Qatar World Cup a goal hmasa ber khung turin nghah rei a ngai lo, a penalty khung a 'Cool' takzet. Minute 10-na lekah goal a khung.


Argentina captain hi goal khungtu a ni satliah lo, midfield lamah a tawlhlet nasa a, ball semtu pawimawh a ni tel bawk.

Lionel Scaloni enkawl La Albiceleste tlarhma an hlauhawm takzet a, chutih rualin Saudi Arabia lamin 'Offside Trap' an siam fuh thei hle, half time hmain Messi goal bakah Lautaro Martínez goal hnih an hnawlsak.

Mahse maw, hun a la tawp lo a nia. Second half tirah Saleh Alshehri hmangin Saudi lamin si phurh an sut a, an insiamrem hmain Salem Aldawsari chuan an goal hnihna a khung zui, player pathum vir khumin goal mawi bik a khung.

Argentina hian an group-a team nem ber tura ngaih an hneh lo, an hmabakah Poland leh Mexico an awm dawn, hna a harsa dawn takzet - last 16 thleng tur chuan chetsual nawn a thiang tawh lo ang.

Inkhel Result
Argentina 1 - 2 Saudi Arabia
ARG: Lionel Messi 10' (P)
SAU: Saleh Alshehri 48'; Salem Aldawsari 53'




(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments