GOLD MEDALIST | MZU B.Ed Gold Medalist 2022 Tpi Zadeng

MZU B.Ed Gold Medalist 2022 Tpi Zadeng kan belchiang.

MZU hnuai-a B.Ed-ah CGPA - 8.3 hmua Gold Medalist ni thei TPi emaw Puipuii  emaw a hriat hlawh Lalțanpuii Zadeng hi Zoramliana Zadeng leh Lalbiakzuali te fanu panga zinga upa ber dawttu niin, 24th February a piang a ni.

Tpi Zadeng te hi Presbyterian Church of India Kohhran-ah lawiin, Khatla East, Aizawl-ah chengin an khawsa a ni.

Tpi Zadeng-in EXPLORE MIZORAM zawhna a chhannate:

📌 Zirna lam:

~ Pawl 10 leh 12 hi Synod HSS atangin 2011 leh 2013 khan ka pass a, 2016 khan Pachhunga University College atangin B. Sc ka zo leh a, 2018 khan Mizoram University atangin M. Sc zo lehin, kumin (2022) hian District Institute of Education & Training (DIET), Aizawl atangin B.Ed ka zo leh a ni.

📌 I lehkha zir dan?

~ Ka rilru a chak loh avang hian a theih hram chuan byheart loin ka hriatthiamna hi ka duhtawk thin a. Ka hriatthiam dan hi ka note down thlap zel a, a hnuah chu chu ka chhiar leh thin. Lehkha ka zir chuan lehkha hi ka zir a ni tawp mai, thil dang hi a leng vak lo

📌 harsatna I hmachhawn dan?

~ Pumpelh tum mai lovin tawngtaina nen ka hmachhawn thin

📌 Gold medalist i nihna (Subject) leh CGPA?

~  B. Ed, CGPA - 8.3

📌 Gold medalist ni tura i beih dan?

~ Pathian hnenah hriselna tha tak mai ka dil thin a, a bak zawng chu ka koah a tla ani tih hriain ka theihpatawpin ka inzir ve thin

📌 Gold medalist ni tura i beihnaah faculty lamin an ṭawiawm/pui ṭha chein i hria em?

~ Tha tehreng mai. Science zir char char thin ka nia, B. Ed ka train tirh phei hi chuan ka bo thin khawp mai a, mahse heng zawng zawngah hian min puih loh ka hre lo, hetiang thleng thei tur khawp hian min train chhuak thei a, an chungah pawh hian lawmthu ka sawi tak meuh meuh

📌 I zirna atana i chhungte pawimawhna:

~ Ka chhungte hian ka zirna kawngah hian min support tha thei em em a, ka engkim hi an ni tawp mai. Ka support system te ka ti mai. Min tawngtaipui nasa em em a, lehkha zir ka duhin inchhungkhurah tih tur awm se an theih ang tawk tawkin min lo awl thin, tun tum ka result ah phei hi chuan min lo âwl thin kha manhla an inti hle😁

📌 I zirna atana i ṭhiante pawimawhna:

~ Mahni inrintawkna min petute an nia, anmahni hian ka theih loh tura ka rinte pawh min rin tlatna avang hian ka ti ve thei zel thin. Tun tum (B.Ed) ah phei hi chuan a tir atangin pakhatna ka nih min beisei vek a, min pui nasa hlawm em em a ni. 

📌 I duhzawng leh ngainat zawngte:

• Rawng -  Black & White

• Chawhmeh  -  ka nu eisiam

• Incheina - Simple & Comfortable

• Rimawi – Taylor Swift's music / Country pop

• Mizo Ziaktu zingah - Lalhruaitluanga Chawngte

• Hla - Ka lawm e Isu

• Hla phuahtu - Upa Lalnunpuia Hrahsel

• Teacher - Punctual, Sincere, Friendly

• Leader - Mi huaisen, thudik tan ngam, rinawm, mite hriatthiamna nei mi, khawngaihna leh lainatna nei mi

📌 Mize ngainat zawng:

 ~ Mi inngaitlawm, hlim thei, zaidam

📌 Mize ngai nat loh zawng -

~ Chapo, fing vervek

📌 Hobby- Singing, Coloring, Organizing

📌 Relationship status - Single

📌 Kawppui atan duhzawng

~  Pathian tih mi, mi nghet, hmel te pawh kha han keu ve bawk se😁

Zawhna dang:::

1. A tel lova i awm theih loh:

~ Pathian

2. I nun kaihruaitu:

~ Philippi 4:16

Engah mah mangang suh u; engkimah tawngtai leh dilin, lawmthu hril tel zelin, in duhnate chu Pathian hnenah hriattirin awm zawk rawh se.

3. Hringnuna i hlauh ber:

~ Beidawnna

4. I tih ngai miah loh tur:

~ Midang hmuhsit

5. Mizo Tualzal nuna ṭha i tih:

~ Mizo tlawmngaihna

6.  Quote i duh ber:

~ "What Would Jesus Do?"

7. Mizoram leh Mizo tualzal nuna Mizo hmeichhiate dinhmun:

~ Hnam dang ngaihtuah chuan dinhmun sang zawk leh hniam zawkah kan inthliar ve em em lo

8. Hnam hmingṭhat leh hmingchhiat kawngah Hmeichhiate'n mawhphurhna:

~ Kan nun dan fimkhur, kan silhfen thlengin

9. Hnam ziarang chawinun kawnga Hmeichhiate mawhphurna:

~ Hmeichhiate hi mipate ai chuan kan fate enkawltu zawk kan ni tlangpuia, an lo seiliana thil ningkhawng an lo hriat tan tirh atang hian kan hnam nunphung leh ziarang te lo hrilhriat zel hi kan mawhphurhna lian tak leh pawimawh tak ani.

10. Mizote tan 'Fa neih tlem' inzirtir hi a ṭulin i hria em?

~ Kan hnam kan la tlem tehlul nen, he inzirtirna hi chu ala tul hrih lo ka ti

11. Mizo hnam ṭhanmawh bawk nia i hriat?

 ~ Kan ngheh lohna

12. Mizo hnam damna atana  kawng awm nia i hriatte?

~ Mitin hian thawh hreh nei lo ila, eng hna pawh nise kan hna theuh hi inzahsak tawn bawk ila, taimakna nen kan hmabak theuh ah hian rinawm takin nung ila

13. Hnam chhan nana Hmeichhiate ṭangkaina leh mawhphurna?

~ A theih hram chuan hnam dang neih loh hi tharum leh hriamhrei tel hauh loa hnam kan lo chhan ve theihna kawng lian tak chu a nia, amaherawh chu dinhmunin a zir loh avanga hnam dang neih tâk te pawh thil awm ve thei chu a nia

14. Zirna, Khawtlang leh Kohhran hi?

~ Thenkhat tan chuan a kawp theih rualin mihring kan inang loa, a then tan chuan engemaw bera insawrbing a tul chang a awm

15. Khawtlang, Kohhran leh nangmah:

~ Mizo nih chuan Kohhran leh Khawtlangah hian mahni tawkah inhman ve hram thin hi a tha a. Ka theih ang tawk chuan Kohhran leh Khawtlangah hi chuan ka inhmang ve

16. Social Media leh Nangmah:

~ Hun awl hnawhkhah nan leh rualpawl nan

17. Mizoram ṭhalai tam tak tlakchham:

~ Teirei peihna

18. Mizo ṭhalaite hian ngaihsan tur dik an ngaisangin i hria em?

~ Thenkhat hi chuan ngaihsan tur dik kan hriat laiin a then hi chuan kan hrelo deuhin ka hria

19. Ngaihsan tur dik nia i hriat:

~ Mi tupawh, a hnathawhah leh a zirnaa rinawm. 

20. Hlawhtlinna tura pawimawh:

~ Taimak, Tumruh, Chhel, Dawhtheih

21. hloh i hlauh ber:

~ Miten min rinna

22. Hnam dang nupui pasal neih hi-

~ Mahni hnampui ngei mai neih hi chu duhthusam chu a nia, amaherawhchu thenkhat chu an dinhmunin a zir loh avangten hnam dang an nei a, a lo nei an awm pawhin kan lo lawmpui thiam ve mai hi rilru hrisel putna a ni. 

23. Nupui pasal inneih hmaa mipat hmeichhiatna hman hi?

~ Palh thil chu a awm ve thei a, mahse theih hram chuan hman loh a him ber a a tha ber bawk. 

24. Hlawhtlinna hi?

~ Awlsam taka neih chi a ni lo a, a thawha thawhchhuah a ni. 

I thalaipuite tan fuihna--- 

~ Midang el lo in mahni leh mahni hi kan thlen chin atang zel hian hmasawn zel turin in el zawk zel ila, hmasawnna tam tak kan nei thei ang

EXPLOREMIZORAM.COM i hmuh dan:

~ Ka lo ralkhat thlir ve thin a, tha hi ka lo ti thin hle. Mi chawimawi thiam tak in ni, in hnathawh hi a ropui. Ka hringnuna 'mi fate' ka nih ve tum tak maiah hetiang hun tha min rawn buatsaihsak a, ropui ka ti, ka lawm e.  Explore MIZORAM vul zel rawh se.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)