Ticker

10/recent/ticker-posts

Tank lorry kan vanga mi tam tak thihnaa mawhphurtu man!

   

Aizawl | Nov 16, 2022: October ni 25, 2022 tlai thimhlima Tuirial Airfield venga petrol phur Tank Lorry chesual kangah khan a hmunah mi 4 thi nghalin, damdawi inah mi 7 an thih belh tawh a, mi 11 in kha chhiatna thleng avang khan nunna an chan a, mi 7 damdawi inah enkawl mek an la awm.

Kha petrol bua kha Tuirial veng mi TBC Lallawmawma (28) chuan dawh ve a tum a, mi an tam avangin dawhna hmun a chang lo. A lungawilo thinrim chuan a petrol bottle ken chu a lighter hmanga halin leiah a paih a, kawngpuia petrol bua chu kang kaiin kangmei nasa tak a chhuak ta a ni. 


Lallawmawma hi an veng Tuirial lamah tlan hawin a thil tih avanga mi an thih thute leh, hliam tam tak an awm thu a hriatin a inchhir rilru na, inawhhlum a tum hial a, a nupui leh a thianpain an chhan hman. Petrol a hal lai lo hmutute atanga chhuiin Lallawmawma hi man a ni a, a thil tih hi police hmaah a puang a ni.


Tuirial VC, YMA leh MHIP te chuan thuchhuah intawm siamin, pawikhawihtu Lallawmawma hi an dem thu leh dan anga na taka hrem an phut a, an vengchhungah awm tawh lo turin an hriattir bawk.




(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments