Govt Hnahthial College Miss 2022 - 2023 Puipuii Aineh kan belchiang.
Puipuii Aineh tia hriat hlawh Govt Hnahthial College Miss 2022 Lalramngaihawmi Aineh hi T Lalnunpuii leh A Lalrochana te fanu niin, May 14, 2005 a piang a ni a. Unau pali zinga pahnihna niin, u hmeichhia pakhat leh nau Mipa pahnih a nei a ni.
Puipuii Aineh hi Tawipui North- 1 khua niin, Zirna avangin Lungleng Veng, Hnahthial-ah an cheng mek a, Baptist Church of Mizoram kohhran a lawi an ni.
Puipuii Aineh hi ft 5'5 a sang a ni.
Puipuii Aineh-in EXPLORE MIZORAM zawhna a chhannate:
📌 Zirna lam:
~ Pawl 10 hi Southern Flower School, Lunglei atangin ka pass a, Pawl 12 hi Gov't Leitlangpui HSS, Lunglei-ah vek pass lehin, tunah hian Govt Hnahthial College-ah B. 1st Sem ka zir mek a, Pol. Science core ka tum a ni.
📌 Hobby: Playing Games or Watching K Drama!
📌 I duhzawng leh ngainat zawng hrang hrangte?
• Actor/Actress: Scarlett Johansson
• Zaithiam: C Sanga / Dolly Parton
• Chawhmeh: Alu
• Hla: Lalpa a tha a ni.
• Hmun: Min tihlim theitute awmna apiang a ni mai😆
• Rawng: Red/White
📌 Mize ngainat zawng:
~ Nuih duh, tawng duh ve bawk se, rilru tha, ngainatawm, inngaitlawm tak.
📌 Mize ngainat loh zawng:
~ Tawngthei uchuak, mi rel ching, a chuang liama che thin Mihring leh mi hmusit ching, mi chapo.
📌 Kawppui tura duhzawng?
~ Kristian tha tak, a hun leh hmun thliar hrang thiam, innghahna tlak, rintlak, mi rilru nghet.
📌 Relationship status: _____
📌 Aim in life: Army/Police
📌 Govt Hnahthial College Miss 2022 - 2023 thlanna a tel chhan?
~ House leader ten duhsak takin mi tam zawk kar ah min thlang chhuak ve a, an duhna ka tih hlawhtlin saka ka tel ve ta ni.
📌 Govt Hnahthial College Miss 2022 - 2023 nih hi i inring reng em?
~ Aih, ring lo e. Ka thiante kha an tha ka ti lutuk a, a tikimtu a tel ve ang chauh-ah ka inngai.
📌 Govt Hnahthial College Miss 2022 - 2023 in I nuna nghawng a neih?
~ Zirna kawngah leh mizia leh nun dan engkimah ka nun a nghawng ve a ni.
📌 Modelling lam i tui em?
~ Tui tak tia sawi tur chu ka ni lo.
Zawhna dang:::
1. A tel lova i awm theih loh:
~ Phone, Handkerchief, Tui.
2. I nun kaihruaitu:
~ Bible
3. Hringnuna i hlauh ber:
~ Pianthar loh.
4. I tih ngai miah loh tur:
~ Thil ruk leh mi hmuhsit.
5. Mizo Tualzal nuna ṭha i tih:
~ Chhiat ni leh that ni a kan in cheibawl dan te leh ai a upa te zahna nun kan la chhawm nung ve tek tek hi a tha ka ti.
6. Quote i duh ber:
~ HOPE is the only thing stronger than fear.
7. Mizoram leh Mizo tualzal nuna Mizo hmeichhiate dinhmun:
~ Hnamdang te ang em chuan kan Mizoram leh mizo tualzal nunah hian Mizo hmeichhia te dinhmun chu a chhia in a hniam in ka hre lova, a bikin tunlaiah ngat phei chuan hmeichhiate dinhmun hi a sang tawh em em a. Ram inrelbawlnaah ngei pawh hmeichhia ten dinhmun sang tak an chelh tawh a. Chuvangin, Mizo hmeichhiate dinhmun hi a hniam lova, a sang lutuk hek lo, a tawk vel viauin ka hria.
8. Hnam hmingṭhat leh hmingchhiat kawngah Hmeichhiate'n mawhphurhna:
~ Hmeichhia te hi kan pawimawh em em a,kan chet dan leh kan nun dan te, hnam dang mithmuh a kan chet duh dan te leh kan awm duh dante hian hnam hmingthat leh hmingchhiat kawng ah nasa takin mawhphurh na a nei a. Zah tlak tak leh mawihnai tak in awm ila, hmanlai kan Mizo nulate nun dan kha chhawm nung zel ila, kan hnam hmel a lo lang mawi dawn a ni.
9. Hnam ziarang chawinun kawnga Hmeichhiate mawhphurna:
~ Mizo hnam a ral mai loh nan chuan kan hnam ziarang/nunphung hi kan chawisang zel a tul a, hemi kawngah hian hmeichhia te hian mawhphurhna lian tak kan nei bawk in ka hria, chu chu Kohhran leh NGOs programme hrang hrang ah te Hmeichhe tam tak chuan kekawr pangai an ha mai mai thin a, kawrfual te nen, hak kha a va sual miahlo a, amaherawhchu kan hnam inchei dan kalphung paihthlakna zel anih avangin hetiang nikhua te hian Mizo puan kan veng ṭhin tur a ni. Tin, chhiatni bikah pawh hian Mizo hmeichhia te chuan kan tih tur hi ti thin ila, hei hian kawng tam tak ah kan hnam ziarang a chawikangin a rinawm. A pawimawh berah chuan hnam hmangaihna thinlung hi pu ila, tuna kan vei leh buaina tam tak te hi sut kian a ni ngeiin ka ring a ni.
10. Mizote tan 'Fa neih tlem' inzirtir hi a ṭulin i hria em?
~ Aih, Mizo chu hnam tlem te, hnam dang kar a la nung ve tawk tawk kan ni a, kan hnam a lo than len a, kan hnam a lo dam ve zel theih nan 'Fa neih tlem' hi inzirtir a ngaiin kei chuan ka hre lo.
11. Mizo hnam ṭhanmawh bawk nia i hriat?
~ Rinawm loh vang leh huaisen tawk loh hi Mizo te kan ṭhanmawh bawk a niin kei chuan ka hria.
12. Mizo hnam damna atana kawng awm nia i hriatte?
~ Rin tur dik Pathian rin a, rinawm taka mahni hna theuh te thawk a, hnam dangin a min chimral mai loh nan a huaisen tak leh dik tak a tan ho te. Tanrual hi chakna a ni tih hria a, inlungrual tak a awm ho te.
13. Hnam chhan nana Hmeichhiate ṭangkaina leh mawhphurna?
~ Hnam chhan nân hian Mizo hmeichhia te hian ṭangkaina tam tak kan nei a, zirna hi hnam chhan nana leh ram leh hnam humhalh nana hmanraw pawimawh ber ani tawh a, chuvangin, Hmeichhia te hian Zirna ngaipawimawh ila, sâng tak thleng zir ila, Central Service thleng te hian in ziak tling awm ṭeuh ila, ram leh hnam chhan nan hian thil ṭangkai tak leh awmze nei tak a ni ngei ang.
Tin, hnam chhan nan hian mawhphurhna lian tak kan nei a, chu chu Mizo mipa ngei pasal a neih hi a ni. Hnam dang pasal kan nei a nih chuan kan chhul chhuak kan ril a rah chu Mizo a ni tawh dawn lova, chuvângin Mizo Mipa ngei kan neih hi hnam chhan nana kan mawhphurhna a ni.
14. Zirna, Khawtlang leh Kohhran hi?
~ Zirna, Khawtlang leh Kohhran hi intibuai lo tawk a thil kal kawp thei a ni a, zirna ngawr ngawr hma ah dah a Pathian hre miah si lo te a awm theih a, Khawtlang nun a him em a tha em tih pawh ngaihsak lem lo a zirna avang a buai te pawh a awm theih a ni.
A hun leh hmun mil a in siam rem a ngai a ni, zir hun ah tha tak a zir in, inkhawm leh kohhran prog-ah te a theih ang ang a inhman ve thin te hi a tha em em a. Tin, Khawtlangah pawh inpaih lutuk bik lovin, a theih ang angah, hunawl kan nei a nih chuan inhman ve zel a tha.
15. Khawtlang, Kohhran leh nangmah:
~ Khawtlangah tak hi chuan in hmang rual ka la ni chiah lo a. Amaherawh chu, a theihna ang angah te leh hunawl ka nei a, chanvo ka nei a nih chuan ka inhmang ve bawk a. Tin, Kohhran hi chu ka tet te atangin ka bel ve tlat a, ka zirna a tibuai lem lo bawk a, kohhran a ka inhman avang hian ka inchhir ngai lo bawk a ni.
16. Social Media leh Nangmah:
~ Social Media hrang hrang; Instagram leh WhatsApp ka hmang tangkai em em a, tin, zirlai zirna atan te leh thil tam tak hriatzau nan ka hmang a, ka tangkaipui hle a ni.
17. Mizoram ṭhalai tam tak tlakchham:
~ Rinawmna, Dikna leh tlawmngaihna/tlawmna.
18. Mizo ṭhalaite hian ngaihsan tur dik an ngaisangin i hria em?
~ Duh dan te a inang vek lo a, amaherawh chu, a nawlpuiin kan ngaihsan hi chu thlak deuh chu a ngaiin ka hria.
19. Ngaihsan tur dik nia i hriat?
~ Mi rinawm, Mi dik, Ram hmangaihtu.
20. Hlawhtlinna tura pawimawh:
~ Tumna, Taihmakna leh Tuarchhelna
21. Hloh i hlauh ber:
~ Ka chhungte
22. Zo hnam inpumkhatna hi a thlen theih i ring em? Thleng thei turin engnge pawimawh nia i hriat?
~ Zo hnam inpumkhatna hi kan tum a nih chuan a thleng thei tehreng mai. Chumi tur chuan tanrual, inhriatthiam tawn, inrem tak a nun, tlawngaihna neih te leh insum theihna neih te a ngai a ni.
22. Hnam dang nupui pasal neih hi:
~ A that lohna em em a awmin ka hre lo a, hnam dang nupui/pasal neih avangin ka hnam, Mizo kan nihna kha tibo mai lovin, fate kan lo nei a nih pawhin mizo hnam leh ziarang engkim, nunho dan te zirtir ila, a that lohna em em kei chuan ka hre lo. Hmangaih taka min enkawl thei a nih chuan.
23. Nupui pasal neih hmaa mipat hmeichhiatna hman hi:
~ Pathian pawh in a a phalloh thil a ni a,a tha lo em em a.
Tin, kum tling lo a mipat hmeichhiatna hman phei chu hrise na atan a tha lo em em bawk a, nupa nih hun a hman atan a a siam a nih ang takin a nihna tur ang tak a hman hi a tha ber a, nuamtawl nana nupui pasal nih hma a hman mai mai tur a ni lo a, insum theih a ngai em em bawk a ni.
EXPLOREMIZORAM.COM i hmuh dan:
~ EXPLOREMIZORAM.COM hi a tha ka ti a, Mizo mipui tam tak te tan, thil kan hriat chian loh te chiang takin website leh Instagram account lam atang ten a lo hriat zel theih a, a tha in kal zel se ka ti hle a ni.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: