Commerce & Industrial Development Board Vice Chairman-in Hortoki Football Tournament hawng

Aizawl | Nov 29, 2022: Vawiin khan Hortoki Village Council te buatsaih Tournament chu Pu K. Laldawnglian MLA & Vice Chairman Commerce & Industrial Development Board chuan Chief Guest niin a hawng.


Khuallian Pu K. Laldawngliana chuan thu sawiin thalai te tan Tournament an han buatsaih hi ka lawm hle mai. Kan ram thalai te ruihhlo in nasa takin min run a, engtin nge kan tih ang tih hi ngaihtuah tham a ni. A venna a tan pawimawh ber pakhat chu infiamna hi a ni a ti. Khamrang Futsal Ground hawn tawh thu sawiin Zanlawn Public Playground hawn mai turin an siam mek a nih thu leh Thingdawl Volleyball Court siam nan hmalak mek a nih thu a sawi bawk.


Pu K. Laldawngliana chuan infiamna hmunhma te hi kan zavaia ta a ni a, a enkawl kawngah pawh dimdawi taka kan ta vek a ni tih hria a, a chhiat a that ah kan zavaia mawh a ni tih hria a enkawl turin ka ngen duh che u a ni tiin a sawi.


Tournament hawnna hun hi Pu K. Laldindika President GSA in kaihhruai in Pu RK Lalhmangaihpuia'n hunserh a hmang a. VC Hortoki, Kolasib District Football Association, Kawnpui Zone Football Association ai awh ten thusawina hun an hmang bawk a ni.



(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post