Nov 17-ah Mizoram - Assam ramri chungchang-ah inbe dawn

Aizawl | Nov 12, 2022: State pahnih ramri buai chin fel tumin Mizoram leh Assam minister-te chuan a vawi thumna atan November ni 17 khian Guwahati-ah inbiakna an chhunzawm dawn.

Home Secretary Pu H. Lalengmawia hnen aţanga thudawn danin Assam lamin karleh Ningani a inbiak an rawt chu Mizoram sorkar chuan a pawm a. Nilaini tlai lamah state pahnih official-te inbia-in minister te inbiakna tur atan ruahmanna an lo siam ang a. Ningani zinglam dar 11-ah Minister te uapna hnuaia inbiakna hi ţan tum a ni. Mizoram palaite hi Home Minister Pu Lalchamliana’n a ho ang a, Revenue Minister Pu Lalruatkima bakah home secretary leh official dangte an tel bawk ang. Assam sorkar palaite chu Border Protection and Development Minister Pu Atul Bora ho an nih leh rin a ni., tiin AIR Aizawl chuan a tarlang.




AIR Aizawl-in a tarlan danin, Ramri buai chinfel tum hian Mizoram leh Assam Minister-te hi nikum August thla leh kumin August ni 9 khan Aizawl-ah an lo inbe tawh a. October thla a inbiak leh tura tih chu a hun bituktu tur Assam lamin ruahmanna an siam hman loh avangin November ni 4 a Guwahati-a inbe zawk turin rawtna an siam a. Mahse, hemi ni tak hi Aizawl a President Pi Droupadi Murmu cham lai a nih avangin ţhulh loh theih a ni ta lova. November ni 17 a inbiak hun sawn hi an remti tlang ta a ni.




(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post