Aizawl | Nov 12, 2022: Zoram Thar Zofate Lairelna Inpui (NGO) buatsaih Zaithiam thlanna Zofa Lelte 2022 chu nizan khan hmawr bawk a ni a, Zenngaihsang chu Zofa Lelte 2022 atan thlan a ni.
Zofa Lelte 2022 hmawr bawknaah hian Finalist 10 te aṭangin lawmman pakhatna aṭanga pathumna puan a ni a. Lawmman pakhatna dawngtu chu Zenngaihsang, New Lamka, Manipur a ni a. Pahnihna ah Angeli Lalruatpuii, Chhingchhip thlan a ni a, Pathumna ah Sonia Lamngaichin, Dumlian, Manipur puan a ni.
Lawmman pakhatna hian cheng nuai thum, pahnihnain nuai hnih, pathumna nuai khat a keng tel a, Top 10 (finalist) te hian cheng singkhat leh certificate an dawng ṭheuh bawk a ni.
September thla aṭangin Zofa Lelte 2022 Audition round neih a ni a, Mizoram chhung District 10 bakah, Myanmar leh Manipur ah audition huaihawt a ni a. Online in audition hi buatsaih a ni bawk. Zo hnahthlak ṭawng hrang hrangin contestant te an zai a, hei hian Zofate hi hnam khat, thlah khat kan ni tih nemnghetin, Kristaah leh hnamah contestant te leh mipuite min ti pumkhat leh zual a ni an ti.
Zofa Lelte tum ber Kristaa Hnam inpumkhat chu a hlawhtling tiin Zoram Thar Zofate Lairelna Inpui hruaitu Rev. Dr. Zaichhawna Hlawndo in lawmthusawina hun a hmang a. A hla phuah ‘Tu dang kan nilo Zosefa tu leh fate kan lo ni’ tih chu theme song ah hman niin, Top 10 contestant ten result puan zanah a huho in an ṭawng ṭheuhin an sa bawk. Zofa Lelte 2022 main judge Vanlalsailova, Hlimhlimi leh Jeff Akai Haokip te bakah nikum online Zofa Lelte 2021 winner Vanpangpari ten result puan zanah zaiin mipui an awi tlei bawk a ni.
Lawmman dawngtute hi an ram/khua leh veng ten ropui takin hmuahna leh lawmna hun an buatsaih tih thu kan dawng bawk.
--
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: