Ticker

10/recent/ticker-posts

MZP-in Zohnahthlak unaute ILP siam luih tir avanga harsatna tawk awm thin chungchang Home minister hnenah thlen

Aizawl | Nov 3, 2022: Mizo Zirlai Pawl (MZP) General Headquarters hruaitute chuan nimin chawhnu dar 1:30 khan Home Minister Lalchamliana a Office-ah hmuin Lengpui Airport leh Mizoram hmun hrang hrang  Inner Line Permit (ILP) check post-ah Mizoram state pawn atanga zohnahthlak kan unau Mizoram lolutte tih luihna hmanga  ILP check sak an awm thin chungchang an sawipui.


"MZP chuan Zofate inpumkhatna leh insuihkhawmna a ngai pawimawh em em a. Hemi kawnga MZP in hma alak mek laiin tunhnaiah kan unau kan thisen zawmpui Mizoram state thenawm atanga lo zin ten Lengpui Airport leh Mizoram hmun hrang hrang ILP check post-ah tih luihna hmanga ILP check sak leh ILP siam luih tir avanga harsatna tawk an awm tih MZP in a hriatin thinur thlak a tiin hriatthiam har a ti takzet a." tiin MZP thuchhuah chuan a tarlang a.


"Kan unaute hnam dang ang maia cheibawla tih luihna hmanga ILP check sak anni hi thawktute inthlahdah vangah MZP chuan angai a, Home Department pawh a mawhphurtu ah angai a. Unau hmelhai a thlen palh MZP a hlau a ni. He thil hi thleng nawn tawh lo turin MZP chuan a duh avangin Home Minister sawipui a ni a. Home Minister chuan hemi chungchang hi a ngaih pawimawh thu leh hma lak nghal anih tur thu a lo sawi." tiin thuchhuah ah tarlan a ni bawk.


MZP chuan khawvel hmun hrang hranga zofaten inpumkhatna tha zawk kan neih theih nan ruahmanna siamin Zohnam khawmpui lian (ZOFEST) pawh December 2022  thla chawhma lamah hian neih tumin ruahmanna a siam mek  a. He programme hmang tura palai lo kal ten harsatna an tawh loh nan thuneitute pawh uluk zawka ILP check post vil tur leh unau hmelhai a awm lohna tura hma la turin MZP chuan thuneitute an ngen a ni.




(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments