MZP-in B'desh Zofate thlavang hauh

• Zohnahthlak unau Bangladesh-a harsatna tawk te tan MZP chu a ding zel dawn


Aizawl | Nov 21, 2022: MZP chuan thuchhuah siamin, "Bangladesh-a cheng Zohnahthlak kan unauten, Bangladesh Army leh Arakan Army (AA) te vanga harsatna nasa tak an tawk mek hi pawi a ti hle a, nekchepna leh rikrapna tuar mek kan unaute hi kan lainat takzet a ni." an ti.


MZP chuan Bangladesh sorkarin Bangladesh chhunga cheng ve tho, Takam leh Rohingya-te tan harsatna ansiam sak loh lai leh Bangladesh helpawl an thurualpui theih lai a. Zohnahthlakte hnawk ti a, an chungah Bangladesh atanga hnawhchhuahna, nghaisakna leh nekchepna, an thlen bik hi MZP chuan mak kan tiin a mawhphurtu Bangladesh sorkar a dem hle a, thinurthlak kan ti takzet a ni. He thil thleng chungchangah hian Mizoram sorkar pawh a tul anga hma la ve nghal tur leh kan unaute harsatna chungchang hi enzui thuai turin kan ngen nghal a ni.


Hemi chungchangah hian vawiin chhun dar 12:30 khan MZP hruaitute leh Mizoram Bawm Students Association (MBSA) hruaitute chuan Dr. R. Lalthangliana, Health Minister chu a pisa ah an hmu a. MZP leh MBSA hruaitute chuan Bangladesh sorkarin zohnahthlak kan unaute Bangladesh aṭanga a hnawhchhuah vanga lungawi lohna leh Mizoram chhunga raltlan mi 271 te enzui tura kan duh thu thlen a ni a. Health minister chuan a lo enzui tur thu leh hma a lo lak nghal tur thu a lo sawi a ni.


Mizo Zirlai Pawl (MZP) chu khawvel hmun hrang hranga Zofate tana ding leh hma la thin a nih angin,  kan Zohnahthlak unau Bangladesh-a harsatna tawk te tan MZP chu a ding zel dawn a. A tul angin hma a la zel dawn a ni, tiin thuchhuah an siam.





(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post a Comment

He post chungchanga i ngaihdan lo sawi ve rawh:

Previous Post Next Post