Ticker

10/recent/ticker-posts

MZP-in Assam - Meghalaya buainaa thihna thleng pawi ti

Aizawl | Nov 23, 2022: Mizo Zirlai Pawl (MZP) General Headquarters, Aizawl chuan vawiin khan thuchhuah siamin, Assam leh Meghalaya inkara buaina avanga thihna thleng chu pawi a tiin a lainat thu a tarlang.

MZP chuan, Mizo Zirlai Pawl (MZP) chuan Ni 22, November, 2022 zingkara North Jaintia Hills District Meghalaya leh West Karbi Anglong District Assam inkara Civil mite leh Assam police-te inkahna thleng vanga civil mi 6 leh Assam police 1-ten nunna hlu tak an chan tih kan hriatin pawi kan tiin, kan lainat takzet a. MZP chuan nunna chânte a sunin pawi a ti hle a. Nunna chan chhungte a tuarpui takzet a. He thil thleng vanga hliam tuarte pawh kan hre reng a, pawi kan ti hle a ni, an ti a.




MZP chuan he inkahna thlenga mawhphurtute hi state pahnih thuneituten a rang lama chhuichhuakin an phu tawk hremna pe ngei se kan duh a. Hetiang thil hi a thlen nawn loh nan chak taka hma la turin thuneitute kan duh a. MZP chuan tharum thawhna hi a huain kan dem tak zet a. Eng emaw harsatna awm hlek a, tharum leh Silai chelek mai zel ṭhin state te hian ti tawh lo turin MZP chuan a duh a ni, an ti a.

MZP chuan l, North East State hrang hrang inkarah buaina chhuak a awm  chhunzawm loh nan hma la turin NE State thuneitute a ngen a. State ramria chengte pawh inpawh tlang tak leh inngeih tlâng taka kan awm zel theih hi MZP chuan an duh a, hemi kawnga hma la zel tur hian thuneitute an phut a ni.





--------
No. E-93/MZP-GHQ/2021-2023/72           Dated: Aizawl, the 23rd November, 2022

MZP PRESS RELEASE

Mizo Zirlai Pawl (MZP) chuan Ni 22, November, 2022 zingkara North Jaintia Hills District Meghalaya leh West Karbi Anglong District Assam inkara Civil mite leh Assam police-te inkahna thleng vanga civil mi 6 leh Assam police 1-ten nunna hlu tak an chan tih kan hriatin pawi kan tiin, kan lainat takzet a. MZP chuan nunna chânte a sunin pawi a ti hle a. Nunna chan chhungte a tuarpui takzet a. He thil thleng vanga hliam tuarte pawh kan hre reng a, pawi kan ti hle a ni.

MZP chuan he inkahna thlenga mawhphurtute hi state pahnih thuneituten a rang lama chhuichhuakin an phu tawk hremna pe ngei se kan duh a. Hetiang thil hi a thlen nawn loh nan chak taka hma la turin thuneitute kan duh a. MZP chuan tharum thawhna hi a huain kan dem tak zet a. Eng emaw harsatna awm hlek a, tharum leh Silai chelek mai zel ṭhin state te hian ti tawh lo turin MZP chuan a duh a ni.

MZP chuan North East State hrang hrang inkarah buaina chhuak a awm  chhunzawm loh nan hma la turin NE State thuneitute a ngen a. State ramria chengte pawh inpawh tlang tak leh inngeih tlâng taka kan awm zel theih hi MZP chuan a duh a, hemi kawnga hma la zel tur hian thuneitute a phut a ni.

Issued by : MZP General Headquarters, Aizawl




(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post i hmuh dan

Post a Comment

0 Comments