Ticker

10/recent/ticker-posts

ARGENTINA CHAK LOH CHHAN

- K. Remruatfela
Author of 'Argentina Football Bu'


1. Argentina hi a zawna game 36 chak lo nei tawh lo an ni a. Hei hian chak tura inngaih zelna a hring a, an thlamuang sual a ni ber. Saudi Arabia team te hi Argentina tum tur hian an lo inpuahchah lawk nasa em em a. An inkhelh hma hauh khan Argentina game hmasa 10 hi chik takin an lo zir chiang hmasa vek a. Khelmual pawn inbuatsaihna lamah Saudi Arabia te hi kan lo pha lo em a ni.

2. Saudi Arabia team te hi tun hnaia an game hrang hrang han en hian tactic leh skill awm em em lo, physical game khel an ni tlangpui a. Hetiang game hi Argentina game nen inletling thawk a ni a. Chuvangin, thahrui ngah leh pumraw sang lam tum reng reng hi chuan regular starter ho hman leh ngawt chi a ni lo. Hei tak hi Scaloni tihsual lian tak a ni.

3. Lionel Scaloni'an a player luh tirah khan tih sual lian tak pathum a nei a. Chu chu Romero, Tagliafico leh Di Maria a start tir kha a ni. Tagliafico hi game rough khel thiam lo leh foul hlau em em thin a ni a. Hetiang physical game ah hi chuan Acuna tluk an awm lo. Tin, dam chiang lo chunga Romero a luh tir kha a pawi em em a. Saudi Arabia game ang chi hi chu mi huaisen, Lisandro Martinez te game dik tak zawk a ni. Di Maria pawh hi player tha tak ni mah se, a game hi chik taka han zir chian rinrawla hman chi a ni tawh lovin a lang a. Minute 70 hnua lut tur erawh chuan players thlannaawm ber a ni thung si. Hei tak hi hi Scaloni hian a hmuh thelh nasa hle a ni ka ti lo thei lo.

4. Kha game tluan kan en chuan Saudi Arabia khan Argentina team te kha an game ah an hruai lut tluan parh a ni a tih loh theih lova. Hun tan tirh atang khan an ngam nghal em em a. Argentina game a awm hman meuh lo a nih kha! Kha tak kha Scaloni'-an half time break ah a siam that ka rin tehreng nen game strategy thlak miah lovin plan A bawk a la hmang chhunzawm a. A hnua goal azira plan dang a apply chauh kha chu a tihsual lian tak a ni.

5. Next match-a an khelh tur Mexico erawh hi chu anni ang thoa ball thiam leh game play inang an ni a. Chuvangin, Saudi Arabia an tum tuma an formation leh starting line up chiah chiah kha hman tur a ni thung. Chutiang chuan an tumpui turte hi tu te nge an nih tih hi hriatchian hmasak a pawimawh tak zet! Consistent taka first 11 players neih a tha kan han ti ngawt thin hi chu game nihphung hriat chian loh vang a ni theihna lai pawh thui tak a awm âwm e. 

Heng kan sawi thenkhat hi rilruah an vawng reng a nih chuan, La Albiceleste team te hian nomawi an la chawi em em ang tih beiseina nen ka ring tlat a ni.









(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post i hmuh dan

Post a Comment

0 Comments