Ticker

10/recent/ticker-posts

Mizo film thar 'Ramri' tlangzarh; Lersia Play-ah en theih

Aizawl | Nov 16, 2022: Vairengte atangin film thar 'RAMRI' chu a chhuak a, November 12 zan khan Hyve City Hall-ah tlangzarh pahin mi sawm bikte nen an thlirho.

Tlangzarhna thlalak:


"ramri' film hi Drama leh Thriller huang ami niin, darkar khat leh minute 21 a thui a ni a. 'Ramri buai boruak sosan lai taka hnam dang mi an In chhunga rawn tlu lut hlawl avanga Zohmangaiha te chhungkaw buai zo ta.' chanchin tarlan a ni.

Nov 12 zana tlangzarh tak 'RAMRI' film hi Lersia Play-ah dah a ni a, he thu buatsaih lai hi chuan entu an thahnem tawh hle a ni.


He film hi 'Comrade' film siamtute kutchhawk tho a ni a, Director & Script Writer hi Lalnuntluanga Hrahsel (Nuna Hrahsel) niin, Director of Photography hi C. Lallinsiama (Osiama Pictures) a ni thung.


'RAMRI' film-ah hian Mizo Film Award 2021 - Best Actor dawngtu Papuia Pachuau a inlan a, ani bakah hian Tiktoker hriat hlawh Pepei Hnamte a inlan bawk.

He filma inlan zingah hian Papuia Pachuau, Pepei Hnamte leh Zothansanga Hrahsel te hi Aizawl niin, anni tih loh hi chu Vairengte khua vek an ni!


Inlan zingah hian Gilbert Zohmachhuana (Gilbert Colney), VL Huma, C Lalnunziri, Felina Khawlhring, Solomon Laltluangkima Fanai, Lalmuanpuia, PC. Lalmuansanga, Om Bahadur, Kenneth Mawidinkima, Lallawmzuali, Kimkimi Chongthu leh Chalrokhuma te an tel a ni.


He film siamna atan hian cheng nuai 2 ruahman a nih thu EXPLOREMIZORAM.COM chuan a dawng.


EXPLOREMIZORAM.COM thu dawn danin, 'RAMRI' shooting hi Vairengte khawpui-ah Sept 1 atang khan tanin, Sept 23 khan an zova, "chhûn leh zân chawl lo in, tlaivar pawp chang kan nei bawk," tiin he filma chang ve Chalrokhuma chuan EXPLOREMIZORAM.COM  a hrilh.



(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

1 Comments

He post chungchanga i ngaihdan lo sawi ve rawh: