Ticker

10/recent/ticker-posts

International Tourism Mart 2022 tan ta; Nov 19 thleng awh dawn!

Aizawl, 16th November, 2022 : Commerce & Industries Minister Dr R. Lalthangliana chuan vawiin khan AR Ground-ah International Tourism Mart, 2022 ‘ITM, 2022’ puala buatsaih State Mega Exhibition a hawng. He hun hi Tourism Minister Pu Robert Romawia Royte chuan khualzahawm niin a hmanpui a, Tourism Development Board Vice-Chairman Pu TC Pachhunga, Board memberte leh Tourism Principal Secretary Pi Manisha Saxena, Commerce & Industries Principal Secretary Pi Esther Lalruatkimi bakah official pawimawhte an tel a ni.


Hawnna inkhawma thusawitu khuallian Dr R. Lalthangliana chuan tunhnaiah Tourism Department an thang chak hle a, hma an lakna pawh hmuh tur a tamin hna an thawk nasa tih a takin kan hmu thin a, a lawmawm takzet a ni, a ti a. Hetiang thil pawimawh leh hautak zet kan thleng thei hi a lawmawm takzet a, hei hian Tourism sector ah Mizoram mai bakah India hmarchhak state te tan bung thar min kaitir ngei se a duh thu a sawi bawk a ni. Tourism industry hi khawvel ram dangah chuan tak takin sum hnar berah an hmang a, Mizoramah pawh tun sawrkar kallai hian Tourism hi Industry ah kan puangin kan pawm a, hemi hnu hian hmalak dante pawh thlak danglamin a rah tha kan hmu chho mek zel a ni, a ti bawk.




Khualzahawm Tourism Minister Pu Robert Romawia Royte chuan ITM, 2022 huaihawt tura hma an lak dante tarlangin hemi atana tha thawhtu zawng zawngte chungah lawmthu a sawi a, India hmar chhak State hrang hrang atangin an rawn tel tih sawilangin he ITM, 2022 hi chhim turin mi zawng zawng a sawm a ni.


ITM hi India hmarchhak state te'n Tourism lama hmasawnna a neih theihna tura Ministry of Tourism in a buatsaih thin a ni a, kum 2013 atanga neih tan niin hmarchhak state hrang hrang ten inthlen chhawk thin a, Mizoramin ITM a thlen vawikhatna a ni a, November ni 16 atanga ni 19 chhungin neih a ni ang.

Mega Exhibition ah hian stall hrang hrang 76 a awm a, November ni 16 – 19, 2022 chhungin chawhma dar 11:00 – zan dar 9:00 thleng neih thin a ni ang.


(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments