Minister Dr R. Lalthangliana’n National Seminar on KMMTTP a hmanpui

Aizawl | Nov 24, 2022: Vawiin khan ‘National Seminar on the Kaladan Multi-modal Transit Transport Project (KMMTTP) : Prospects and Problems’ chu Seminar Hall, School of Social Science Mizoram University ah neih a ni a; Commerce and Industry Minister Dr R. Lalthangliana chu khuallian niin a hmanpui.

Khuallian Dr R. Lalthangliana chuan KMMTTP chu India hmar chhak State te tana hmasawnna Project pawimawh tak a ni a, a bik takin Mizoram chu a hlawkna tel tur ber State a ni a ti. KMMTTP chu zawh thuai a beisei thu sawiin mipuite inbuatsaih a ngai hle a, State dang atanga lo kal bungrua, ei leh bara innghat mai lovin a thawn chhuaktu kan nih a hun tawh hle a, chutiang tur chuan kan rilru leh ngaihtuahna kan siam fel a ngai a ni a ti. Minister chuan KMMTTP chu ram intodelhna kawnga nasa taka puitu tur a nih avangin sawrkar pawhin theihtawp a chhuah mek zel a, kum 2008 khan Mizoram leh Central sawrkarin inremna thuthlung an lo ziak tawh a ni a ti. 

A sawi zelnaah minister Dr R. Lalthangliana chuan KMMTTP mai bakah Bangladesh nena insumdawn tawnna pawh hmalak mek zel a ni a, Border Haat-te pawh siam mek zel a ni a ti. Mizoramin kan thil thar leh siamchhuahte kan thawn chhuah zung zung theihna turin KMMTTP-a Contractor te chu chak zawka an hna kalpui tur leh theihtawp chhuahpui turin a chah nghal bawk a ni. 

Vawiin National Seminar hi Department of Political Science, Mizoram University buatsaih niin Prof. Lalneihzovi, Dean School of Social Science chuan a kaihruai a ni.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)