Aizawl | Nov 21, 2022: Mizoram Bawm Students Association (MBSA) chuan tunhnaia Bangladesha zofate'n harsatna an tawh chungchangah thuchhuah siamin Zofate thlavang an hauh.
PRESS RELEASE
Bangladesh-a Zofa hnam hrang hrang paruk intelkhawm te chuan tunah hian Bangladesh sorkar hnuaia an ram luah chinah state hran an demand mek a. Hei hi a chhan chu pi leh pute atanga an ram lo luah tawh chhungah ngei nekchep an ni thin. Kuki-Chin National Development Organization (KNDO) hmingin vawi tamtak an dikna chanvo humhim tumin sorkar an nawr thin. Amaherawhchu sorkar-in a ngaihthah avangin KNDO chu Kuki-Chin National Army (KNA) tiin an mahni dikna chanvo sualchhuak tur leh an ram humhim turin loh theih lovin an rammut a lo ngai ta a.
Tunah hian Bangladesh-a kan unau te chuan anmahni awmna luah chin ram humhim nan ti in theihtawp an chhuah a, chumi kawngah chuan Bangladesh sawrkar chuan hnam tlem zawkte chimral leh nekchep zawngin hma a la nasa tan hle mai. An mahni dikna leh chanvo a ram leilungfa ten an dawn loh avang a an dikna chanvo humhim nan a sawkar an ngen hnuah sawrkarin a ngaihsak ahnekin mipui nunaute tan harsatna a siam sak ta zawk a ni. Tin, hetianga Bangladesha kan unauten an ram humhim an tum mek lai hian hnam dangten lo dodalin harsatna tamtak an siamsak reng bawk a. A chang phei chuan inkahna a thleng hial thin. Tin, an eitur inpekna kawng an danpin sak thin bawk a. Tin, Bangladesh sorkar-ah diklo takin kan unaute an hek thin bawk a. Tunah hian dinhmun khirh takah kan unaute an ding mek a ni.
Kan unaute hian harsatna namen lo tawkin hmeichhia leh naupang kum 12 chung lamte puakphurah te lakluih an ni a, khawlaiah an mut khawm tir a. Kuki-chin hnamte tan bazaar-ah lei leh hralh khapsak an ni bawk. Bangladesh Army ten zokhuate luhchihin Pathian biak inkhawm pawh khap an nih bak ah, zirna in te pawh khar tur a tih an ni bawk. Hetiang a nunau leh pawisawilote chunga Bangladesh sorkar chetdan hi kan dem takzet ani.
Kan unau Arakan Army (AA) te nen thawhhona tha zawk neih tum a Kuki National Army(KNA) ten hma an lak mek laiin Bangladesh sorkar chuan Arakan Army (AA) te ruaiin KNA te chu Chaihkhiang leh Thingdawlte-ah te an inkap ta zawk ani. Kan unau AA tena hetiang thil an ti duh ta mai hi pawi kan ti hle bawk.
Tunah hian Parva leh a chhehvel khuaah inhumhimna zawngin an rawn lut mek a, kawngah tangkhang an awm teuh bawk. An dinhmun a khirhkhanin harsatna namenlo an hmachhawn mek a ni. Hetianga kan unau te hnam tlem zawkte chunga sawrkar a che ta mai hi mihring mihrinna in zahlohnaah Mizoram Bawm Students’ Association chuan kan ngai a, kan unaute tawrhna hi kan tawrhpui hle a, kan unaute tawrhna hi zohnam khawvel hmun hrang hrang a awmten kan hriatpui a, a tul anga hma la turin kan in ngen a. Mizoram sorkar pawhin hma min lak pui zel turin kan ngen a, an hmalak tawhnaah lawmthu kan sawi bawk a ni.
MBSA chuan kan unaute harsatna tawh hi kan hmuhhmaih lova, kan theihna zawng zawngin hma kan la zel dawn a ni.
Issued by
Mizoram Bawm Students' Association
General Headquarters : Aizawl
Nov 21, 2022
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: