Govt Aizawl West College Miss 2022 - 2023 Khawngaihi Chawngthu kan belchiang.
Khawngaihi Chawngthu tia hriat hlawh Govt Aizawl West College Miss 2022 - 2023 Lalkhawngaihi Chawngthu hi K Vanlalzami leh Zohmingsanga te fanu niin, March 15, 2002 khan a lo piang a. Unau pathum zinga milai niin, hmeichhe awm chhun a ni.
Khawngaihi Chawngthu te hi Chanmari West, Aizawl-ah an chhungkuain an cheng a, Presbyterian Kohhran-a lawi an ni.
Khawngaihi Chawngthu hi 5'6 ft a sang a ni.
Khawngaihi Chawngthu-in EXPLORE MIZORAM zawhna a chhannate:
📌 Zirna lam:
~ Pawl 10 hi Greenland Higher Scondary School, Chaltlang, Aizawl atangin ka pass a, Pawl 12 hi rokhawlhna avangin Private in ka exam a. Tunah hian Govt Aizawl West College-ah hian B.A (Political Science) 3rd Semester ka zir mek a ni.
📌 Hobby: hla ngaihthlak, mut, lehkhabu chhiar, movie en.
📌 I duhzawng leh ngainat zawngte::
• Lehkhabu duh: "I Ti Thei" , "I DARE" Kiran Bedi
• Actor/Actress: Adam Sandler, Leonardo DiCprio, Angelina Jolie
• Zaithiam: Cindy Lalthanpuii, Miley Cyrus, The weeknd.
• Chawhmeh: Alu kan ro.
• Hla: Muanna Pathian
• Hmun: Hmun reh leh thengthaw, motor ri tam lohna.
• Rawng: A pawl
• Ziaktu: Chetan Bhagat
📌 Mize ngainat zawng:
~ Mi hlim thei, tlawmngai, tawng duh ve tak
📌 Mize ngainat loh zawng:
~ Midangte hmusit a an hreawmna thlen thei tura tawng ching.
📌 Kawppui tura duh zawng:
~ Mipa, mahni lu zo, dinhmun hria, inringtawk tak, dikna ngaisang mi, sawi hmaih theih loh hmeichhia te hrethiam tak gentleman tak.
📌 Aim In Life: Civil Service, Teaching lam pawh
📌 Govt Aizawl West College Miss 2022 - 2023 thlannaa tel chhan:
~ Keimah tak chuan ka in hmuh dan ni tiang lam hi ka timi in ka inhre lo a kan house leader te leh SU ten tel turin min thlang a , an ngenna a zahawm em avanga tel chauh ka ni.
📌 Govt Aizawl West College Miss 2022 - 2023 nih hi i inring reng em?
~ Ringlo lutuk. ka chhungte, ka thiante nen thleng, ka vawi khatna a nih mai bakah keimah hi mi tawng duh nui duh fiamthu lawm ve tak ka nia, thutak deuh a ka awm kha an ring pha lo, chu mai bakah ka contest pui te kha an tha hlawm a tluk loh na tamtak ka nei in ka inhre bawk a ni, tun dinhmun ka thlen theih chhan hi ka vanneih vang leh Pathian vang liau liau a ni.
📌 Govt Aizawl West College Miss 2022 - 2023 in i nuna nghawng a neih:
~ Keimahah kawng engkimah improve duhna min pe a, a hmingin college miss te kan lo nih ve takah chuan mi mit fukna kan lo ni ve a, nun dan awm dan, kan che zia thlengin a tha lam a awm duhna rilru min neih tir a mi te entawn tlak nih duhna min pe.
📌 Modelling lam i tui em?
~ tui hranpa lo.
1. A tel lova i awm theih loh
~ Pathian, ka note, ka mobile phone.
2. I nun kaihruaitu
~ Pathian leh ka nu leh pa
3. Hringnuna i hlauh ber
~ hmangaihtu hloh
4. I tih ngai miah loh tur
~ Kei aia chan chhe zawk te hmuhsit a endawng
5.Mizo tualzal nuna tha i tih
~ Tlawmngaihna leh aia upa zah.
6. Quote i duh ber
~ Be there for others , but never leave yourself behind.
7. Mizoram leh Mizo tualzal nuna Mizo hmeichhiate dinhmun:
~ Hnam dang te nena teh khin chhuan Mizo hmeichhe dinhmun hi a tha in a thang chak hle a, dikna chanvo kan neih tam tak te hi kan hmang tangkai thiam hle bawk in ka hria.
8. Hnam hmingthat leh hmingchhiat kawngah hmeichhiate mawhphurhna
~ Hnam hming that naah hi chuan hmeichhia chauh nilo a hnam pum hian kan pawimawh hle a, hmeichhia te hi mualpho hma kan nih avang in kan nun dan kan awm dan kan che zia leh kan inchei dan te pho lan thiam a tul hle.
9. Hnam ziarang chawinun kawnga hmeichhiate mawhphurhna:
~ kan nun ze mawi chhiat ni that niah te thingpui han sem te, no han sil fai leh te, kan hnam thuam zahpui hauh loa chhuang taka han inbel te, tlawmna nun neih te hi kan hnam chawinun kawngah kan mawhphurhna pawimawh tak niin ka hria.
10. Mizote tan ' Fa neih tlem' inzitir hi a tul in i hria em ?
~ Mizo hnam hi kan tam lo a, fa neih tlem hi inzirtir a tulna ka hre lo.
11. Mizo hnam thanmawh bawk nia i hriat?
~ Taimakna, insum theihna, rinawmna, teirei peihna, dawhtheihna kan tlakchhamna hi min ti hmasawnlo tu a ni.
12. Mizo hnam damna atana kawng awm nia i hriatte?
~ A tam hle in ka hria a, a hmasa berah chuan Pathian hi kan damna famkim a ni a chu mai bakah amahah kan rinna kan nghah tlat hi a pawimawh hle in ka hria.
13. Hnam chhan nana hmeichhiate tangkaina leh mawhphurna ?
~ Kan nun dan leh kan incheina te, kan mizo thuam leh kan hnam zia rang te hi hlut ila chuchu kan tangkai ve na leh kan mawhphurhna niin ka hria.
14. Zirna, Khawtlang leh kohhran hi?
~ Heng te hi thil kal kawp vek thei a nia, keimahni hi kan pawimawh hle, thalai kan ni a khawtlang leh kohhran ah te inhmang ve tur kan ni amaherawh chu, kan zirna lamah chhiat phah lo tur mahni in adjust thiam a tul hle.
15. Khawtlang , Kohhran leh nangmah
~ Thalai te kan lo ni ve tawh a, khawtlang leh kohhran ah te pawh kan lo in hmang ve a heng hian ka zirna kawngah chhiat phah na a nei lo a, thalai inkhawm leh mithi lumen te ka theih ang leh hun ka neih chuan ka kal ve thin ani.
16. Social Media leh nangmah
~ Social media hi ka hmang tangkai a zirna kawngah leh hriat zauna kawngah tin ka thlalak hlut zawng te vawn that nan te ka hmang tel bawk a ni.
17. Mizoram thlai tamtak tlakchham:
~ Taimak na , teirei peihna. Neih teuh kan duh mahse kan thawk peihlo , tin mahni in rin tawkna kan tlachham hle bawk
18. Mizo thalaite hian ngaihsan tur dik an ngaisang in inhria em ?
~ Ngaihsan tur dik kan ngaisang in ka hrelo.
19. Ngaihsan tur dik nia i hriat
~ Mi rinawm, dikna ngaisang, sum leh pai eiruk na a fihlim, hmangaihna ngah te hi keichuan ngaihsan tur dik an niin ka hria.
20. Hlawhtlinna tura pawimawh
~ Keipawh la zir mek la kal zel tur ka ni a, pawimawh nia ka hriat chu in rin tawkna, tumruh na, chhelna, mahni inthunun theihna, insum theihna te hi a pawimawh hle a ni.
21. Hloh i hlauh ber
~ Ka hmangaih te hloh.
22. Zo hnam inpumkhatna hi a theln theih i ring em? Thleng thei turin enge pawimawh nia i hriat?
~ Zo hnam inpumkhatna hi a thlen theih ka ring a mahni theuh kan pawimawh hle bawk kan in rin tawn a kan in tawiawm zel a in lungrual taka kan awm hi a pawimawh hle.
23. Hnam dang nupui pasal neih hi
~ Keichuan ka support em em lo a chhan chu hnam ziarang inang lo te kan lo ni anga buaina tam tak a thleng thei ang , amaherawhchu mi an in hmangsih miau chuan keichuan sawi theih ka neiin ka hrelo. Mahni duhthlana kan siam kan ngaihtuah chian a tha hle.
24. Nupui pasal neih hmaa mipat hmeichhiat na hman hi
~ Pathian in a phal lo a. Chuvang chuan, nupui emaw pasal emaw kan neih hma chu insum hram hram a tha ka ti.
EXPLEXPLOREMIZORAM.COM i hmuh dan:
- EXPLOREMIZORAM.COM zarah hian thil tam tak ka hmuin ka lo hriat ve phah a, a hlu ka ti. Mizo thalaite tan pawh in a tangkai hle, duhsakna sang ber ka hlan che u. Explore Mizoram vul reng rawh se.
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: