_Nun duhawm zawk nei tura inbuatsaih dan_
— Rick Warren
— Nov 30, 2022
— Rick Warren
— Nov 30, 2022
“Sum tam tak aiin hming that hi thlan zawk tur a ni a, tangka leh rangkachak aiin duhsakna a ngainatawm” Thufingte 22:1
Hringnuna kan mamawh thuk ber te zinga mi chu mi dangte zahna hlawhchhuah hi a ni. Thufingte 22:1 chuan hetiang hian a sawi a, “Sum tam tak aiin hming that hi thlan zawk tur a ni a, tangka leh rangkachak aiin duhsakna a ngainatawm.”
Mahse zahawmna chu vawilehkhatah a lo awm ngawt thei lo – i hlawhchhuah a ngai a ni. Zahawmna i hlawh theih dan kawng khat chu inremlohna i chinfel danah a ni thei a ni. Eng vang nge? Inremlohna a awm reng rengin miten i hmachhawn dan an thlir thin a ni.
Nehemia nunah khan zahawmna a awm a, a chhan chu inremlohna a hmachhawn atangin a hlawh chhuak a ni. Hetiang hi Nehemia tihdan leh nangmah pawhina i tih theih a ni.
*Nehemia chuan a tawngchhuah hmain ngun takin a ngaihtuah hmasa thin.* Israel tena sawiselna an tawh te ṭam an hmachhawn laia an harsatnate a ngaithla hmasa a ni. A chhanlet hmain “a rilruin a ngaihtuah lawk thin” Nehemia 5:7. Nehemian ngun takin thil thleng a ngaithla thin a ni tih a entir. A tawngchhuah hmain a ngaihtuah phawt a, a ka a an hmain a rilruin a ngaihtuah hmasa thin a ni.
Tunlai khawvelah chuan thildiklo te pawh ngaihtuahna seng hmasa lovin an auchhuahpui phawng phawng zel a. Chu ai chuan, “mi tinin ngaihthlak chuh sela, thusawi chuh lo sela, thin tinel rawh se. Mihring thinurnain Pathian felna chu a siam si lo.” Jakoba 1:19-20.
*Nehemian inremlohna a ruk tein a chingfel thin* Nehemian thil diklo a hmuhin vantlang hriatah a duhlohna a lantir nghal mai lo. Mi harsa zawkte thau sawk tumtu te nen inremdan tur kawng dapin miretheite tan a ding thin zawk a ni. Bible chuan, “harsatna chingfel turin mipui a ko khawma” a ti a ni. Nehemia 5:7
Hei hi Isua pawhin Kohhrana inremlohna a lo awm pawha chinfel dan tur a sawi chu a ni. Matthaia 18:15 ah chuan heti hian kan hmu, “I unauvin i chungah thil tisual sela, kal la, amah leh nangmah chauhva hriatah a sualnaah chuan zilh ang che.” Mipui hmaa tlangzarh hi chu a tawpna tur a ni, mite zah i kai duh chuan Pathian thu angin ti ang che.
*Nehemia chuan midangte tan thil tha a ti.* Mipui ngaihsaklo hruaitute hnenah heti hian a ti a, “In thiltih hi a tha tawp lo mai a ni: kan hmelma, hnam dangte mi sawichhiatna avangte hian kan Pathian tiha in awm a tul a ni lawm ni?... A pung uma puktir hi i ban teh daih ang u khai. Vawiinah ngei hian an lote, an grep huante, an oliv huante, an inte leh an sum leh an buh leh an uain leh hriak hmun zaa hmun khat in lak thin pawh chu pe leh vek rawh u khai” a ti bawk a ni. Nehemia 5:9-11. An zah avangin, Nehemia sawi ang ngei chuan an ti a ni.
Mi dangte zah kai i duh chuan, an tan thil tha ti thin rawh. An chaklohna emaw diklohna emaw hlauhna tur emaw chu phawrhchhuak thin suh ang che. Thufingte 11:27 chuan, “Thahnemngai taka thatna zawngtu chuan duhsakna a zawng a ni.”
Zahawmna leh mi dang rilru hnehna hi a kalkawpa, inremlohna a lo thlenin Nehemia nun atangin zir ang che.
Ngaihtuah zui atan
* Kar thar lo awm tur hi thlir lawk la. Tawng insumin, ngaihthlak i hmasak theihna turin eng anga inzirna tha nge i neih theih ang ngaihtuah rawh?
* Miin a ruktea i harsatna a chinfelpui che a i lawmna kha ngaihtuah teh? Chumi i ngaihsanna chu a zual sawt em? A ni emaw a nih loh chuan eng vang nge?
* Miin i tana tha ber a tihsak hun che kha engtik nge? Tunah huan chumi tana i tihsak ve tur thil tha ber chu eng nge ni ang?
* Kar thar lo awm tur hi thlir lawk la. Tawng insumin, ngaihthlak i hmasak theihna turin eng anga inzirna tha nge i neih theih ang ngaihtuah rawh?
* Miin a ruktea i harsatna a chinfelpui che a i lawmna kha ngaihtuah teh? Chumi i ngaihsanna chu a zual sawt em? A ni emaw a nih loh chuan eng vang nge?
* Miin i tana tha ber a tihsak hun che kha engtik nge? Tunah huan chumi tana i tihsak ve tur thil tha ber chu eng nge ni ang?
- [Lettu: Sangpuia]
(He website kal zel theih nan hian fakna lo langte hi i lo hmet ve thin dawn nia.)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Website leh a hnuaia fakna hi lo hmet ve rawh.)
Post a Comment
He post chungchanga i ngaihdan lo sawi ve rawh: