Chatuan Nihphungte
— Rick Warren
— October 3, 2022
Isua thihna leh thawhlehna chuan thiam loh chantirna lak ata a chhanchhuak che a ni.
Rorelna lo awm tur chu hetiang hian i lo suangtuah mai thei a:
Vanram kawtchhuaha dingin in intlar put a. Zawi muangin pen khat zelin intawlh a. I hnaih tulh tulh a, thlan tuifimin a bual tan che a, hetiangin i inngaihtuah a, “Ka lut ve a ngem? Ka hlawhtling ve hlauh a ngem? Pathian hian TV lianpui ah hian ka thil tihsual zawng zawng te hi a chhuah mai a ngem? Ka sualna zawng zawngte kha tarlanin a awm mai a ngem?”
I tana Chanchin lawmawm chu, Isuan a tiam che a hei hi a ni: “Tupawh Fapa ring chu thiam lohvin an awm lo vang” Johana 3:18 (GNT)
Kan chhiar zel chuan hetiang hian kan hmu leh a: “Tupawh ka thu hriaa mi tirtu ring chuan, chatuana nunna a nei tawh, thiam lohvin a awm lo va, thihna ata a chhuak a, nunnaah a lut ta zawk a ni” Johana 5:24.
Chu chu chanchin lawmawm a ni em? A ni reng a ni!
Thian pakhat Buddy-a ka nei a, a naupan lai chanchin hetiang hian a sawi a, an Sunday School zirtirtu chuan hetiang hian a zirtir thin a, Pathian chu vanah a thu a, Buddy-a thiltih sual zawng zawng chu a ziak zel a. An hotunu chuan kartin hian he hla hi a saktir hlawm thin a, “Ka Lalpa chuan engtik lai pawhin a ziak a. A ziak a ziak englai pawhin.” Buddy-a chuan heti hian a ngaihtuah a, “Vanram kai hi ka va inringlo em, ka thil tihsual ziahna a pung zel si a” tiin.
Kristaa i rinna i nghah tawh chuan chu chu Pathianin a lo enkawl dan tur che a nih i ring em? Ni lo! Dik tak chuan, Pathianin a nawtreh a, engtik lai pawhin a nawtreh reng zawk a ni. A ngaidam a, engtik lai pawhin a ngaidam a. Vanah thuin “a nawtreh(delete)” a hmet mawlh mawlh zawk a ni.
Engvangin nge? Bible-in a sawi tlat a ni, “Pathian chu hmangaihna a ni” (1 Johana 4:8) hmangaihna chuan “thiltih sual a chhinchiah duhlo” a ni (1 Korinth 13:5). Isua Krista hmangaihna ah i rinna i nghah chuan, i sualnate chu thai bovin a awm ang.
Pathian thutiam chu hei hi a ni, “Krista Isuaa awmte tan chuan thiam loh chantirna reng a awm tawh lo” Rom 8:1
Ngaihtuah zui atan
* Mi ten “Rorelna ni” an sawiin i rilru ah eng nge awm le?
* Vanram i kai dawn a ni tih i inrintawkna chuan ni tin a i thiltihah eng nge nghawng a neih le?
* Pathianin kan thiltih sual zawng zawng a chhinchhiah lo a nih chuan, engvangin nge thiltih that chu a la tul fo?
*Ni e, vanram i kai ngei dawn tih i hre thei a ni*
Mi tam takin thihna leh rorelna hmachhawn an hlau va, mahse Isua thihna leh thawhlehna chuan thiam loh chantir hlauhna lak ata a chhanchhuak thei che a ni.
Bible chuan tute pawh hi misual kan ni a, sual man chu thihna a ni. Mahse Pathianin a hmangaih em che avangin a Fapa a rawn tir a, i sual man bat tlak tur leh, Pathian chhungte a i telve theihna tur leh rorelna lak ata chhandam i nih theihna turin.
Pathian chhungtea telve i inpeih anih chuan, hetiang hian tawngtai rawh le: ““Lalpa duh tak, misual ka ni tih ka inhria a, chuvang chuan i ngaihdamna ka dil a che. Isua Krista hi i Fapa a ni tih ka ring a. Ka sualna avangin a thi a, thihna hnehin i kai tho leh a ni tih ka hria e. Vawiin aṭang hian ka chhandamtuah ka pawm ta che a, i hnung zui turin ka inpeih e. Ka nun hruai la, i duhzawng ti turin min pui ang che. Isua hmingin ka dil a che. Amen”
Isua pawm tura i tawngtai thei anih chuan, he email ah hian min lo hriattir la, min lo bia ang che Rick@PastorRick.com. Isua nena zinkawng i zawh tanna tura thil pawimawn a thlawnin ka pe dawn che nia
Lettu: Sangpuia
'A ngem' tih khi Mizo ṭawng tluang dik a ni em? 'Ang em' ti a dah zawk tur a ni lo maw...?
ReplyDeletePost a Comment
He post chungchanga i ngaihdan lo sawi ve rawh: