Ticker

10/recent/ticker-posts

Sawrkar Hnathawk te Sports Meet tan

Aizawl | Oct 11, 2022: Mizoram Civil Service Sport & Cultural Association ANNUAL SPORTS MEET vawi 33-na chu vawiin khan tan  a ni a, he sports meet hi Mizoram CS Renu Sharma in a hawng. A hawnna inkhawm hi chawhma dar 11 am ah Ramhlun Indoor Stadium-ah neih a ni.


Khuallian Dr Renu Sharma chuan Mizoram Civil Service Sport & Cultural Association Annual Sports Meet 2022 neih a ni thei chu lawmawm a tih thu sawiin, Sports hi taksa hrisel nana insawizawina tha berte zinga mi a ni a ti.  Players te chu champion tuma tang taka khel theuh turin duhsakna a hlan a. Amaherawhchu, he Sports buatsaih chhan ber Mizoram sawrkar hnuaia hnathawh te inhmelhriatna, inunauna, leh inthian thatnate a ni tih hre reng turin a fuih a ni. He Annual Sports hian  kan hnathawhna kawnga hmasawnna min thlentu a lo nih a beisei thu a sawi bawk.


He hun hi Dr. Chawngthanchhunga, Sr. Vice President, MCS&CA in a kaihruaia. Pu Lalthanzuala, Mizoram Police International Badminton Player chuan Oath taking hun a hmanga. Pu Rosangliana, General Secretary, MCSS & CA chuan report tawi pein, Covid-19 avanga kum 2 hnua MCS&CA Annual Sports Meet neih a ni leh thei ta chu lawmawm a tih thu a sawi. Sports Meet hi October ni 11 atanga ni 14 inkar chhunga khelh tura ruahman a ni. Sport discipline 4- Chess, Carrom, Badminton leh Table Tennis ah te Intihsiahna neih a ni ang. Mizoram Sawrkar hnuaia hna thawk mi 1300 vel he Annual Sports Meet ah hian an tel a ni. Chess hi MPRO hall Shivaji Tillah ah khelh a ni a, Table Tennis hi MSSC Table Tennis Hall, Kawltheihuanah, Carrom hi Ramhlun Indoor Stadiumah khelh a ni.  Badminton hi Ramhlun Indoor Stadium leh Bawngkawn YMA Hall ah te khelh a a ni.







(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments