Ticker

10/recent/ticker-posts

Praise On 2022 | Zaninah Top 50 intihsiakna ṭan a ni dawn!

Aizawl | Oct 18, 2022: Branch KTP malzai intihsiakna 'Praise on 2022' zin kawng a thui zel a, boruak pawh a 'hot' chho ta hle a; zaninah top 50 intihsiakna tan a ni dawn ta.

Top 50 round hi Republic Veng Presbyterian Kohhran Hall-ah October ni 18, 20 leh 21 zanah te neih a ni dawn a, zaninah mi 19 an in lan anga, Ningani zanah pawh mi 20 an in lan leh anga, Zirtawpni zanah mi 10 in lan lehin, hemi zan hian top 20-a in hlang kai te hming puan chhuah a ni ang.


Zan dar 7:30-ah intihsiakna neih tan thin a ni anga, Hruaina Eng Channel leh Synfo Youtube channel-ah te Live in pek chhuah a ni ang.

Praise on 2022 Top 50-a inhlang kai zingah hian Mizo Idol, Youth Icon leh Reality show danga lo in lan a, thui tak lo thleng tawh te, music video te pawh lo siam a, Rimawi khawvela mikhual lo tak takte an awm nawk mai.

Zanina zai tur zingah pawh Mizo Idol Season 7 neih zawh taka top 50 in hlangkai te, reality show danga semi final hial te pawh lo thleng tawh leh Praise on 2016-ah pawh top 50 lo in hlang kai tawh te an ni nawk hlawm a, beng a fah dawn tih a chiang reng.

Endik tute pawh an hrawl hlawm hle a, Synod Choir Conductor lo ni ve ve tawh, thiamna thuk tak nei, val upa chan chang tan tawh Pu C Vanlalvuana leh Pu Zothanmawia te bakah Mizo hmeichhe zaithiam, Statcy VL Muanpuii te'n zai an endik thin a, top 50-a an thlan chhuahte hi an zaithiam lo thei lo.

Zanina in lan turte :
1. Paul Lalhruaitluanga, Kulikawn Vengthlang Branch
2. Lalhmangaihzuala, Electric Veng Branch
3. Lalchhuanmawia  Saivate, Vairengte Chhim Veng Branch
4. Lalbiakhlui, Sihphir Venghlun Branch
5. Isaac Lalthazuala, Chanmari West Hmar Veng Branch
6. Lalremsiami, Darlawn Venghlun Branch
7. Lalkungpuia, Bawngkawn Brigade Branch
8. Lalhriatkimi, Kolasib Diakkawn, Branch
9. Joseph Lalduhawma, Chanmari West Branch
10. Gloria Laldinsangi, Dawrpui Vengthar Branch
11. Elvis Lalduatpuia, Dawrpui Branch
12. Lalramnunsangi, Muallungthu Branch
13. Julie Lawmsangpuii, Ramhlun Vengthar Branch
14. K. Ramhmangaiha, Chawnpui Vengthlang Branch
15. K. Lalhmingmawii, Leitan South Branch
16. Lalramnunmawii, Durtlang Branch
17. H. Lalhmuaki, Bungkawn Branch
18. K. Lalrintluangi, Diakkawn Branch
19. Jonathan Lalrinzuala, Mission Veng Branch





(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)



Post i hmuh dan

Post a Comment

0 Comments