Lunglei kawngpui siam a nih thuai theih nan No Vehicle Day!

Aizawl | Oct 18, 2022: Lunglei kawngpui siam a nih thuai theih nan Lungleiah No Vehicle Day kalpui.

YMA Sub Hqrs Lunglei hruaitute chuan Oct 15 khan an Confrerence Hall-ah Lungleia thuthar thehdarhtute an kawm a,  Lunglei Kawng chhiat vangin October ni 18 , Thawhlehni chu   "No Vehicles Day"  ah an puang tih an sawi.

No Vehicles Day hi Lunglei District huamchhunga hman tur a ni a,  YMA Sub Hqrs Lunglei chuan Lunglei kawngpui siam a nih thuai theih nan mipuite  tawiawmna  ngenin , hemi ni  hian an lirtheite tlan chhuahpui lo turin mipuite a ngen.

Hemi chungchangah hian YMA Sub Hqrs Lunglei chuan a hnuaia mi ang hian ngenna a siam

         Chhim lam in kan chak lakna leh kan kawngpui pawimawh ber ATL Road (Lunglei Dist. huam chhung) hun rei tak a chhiat lutuk avangin YMA Sub Hqr's, Lunglei chuan thuneitu leh a ngaihtuah thei awm a kan hriatte hnenah min siamṭhat sak tur in kan ngen in kan thlen ṭhin a. Hmalakna a awm mumal lo in tun dinhmunah phei chuan lirthei chetsual leh mihring nunna hial in a tawrh mai hlauhawm khawp in a chhe ta a. Hetiang dinhmun kan thlen tak avang hian YMA Sub Hqr's Executive Committee chuan Ni 18.Oct. 2022 (Thawhlehni) hian Lunglei Dist chhungah *No Vehicles Day* (Lirthei tlanchhuah loh Ni) hman nise ti in a rel a. He hun kan hman tur hi Lunglei Dist. chhung a YMA Branch awmna zawng zawng ten min zawm pui tur in kan in ngen nawn leh a ni.

Duty kan nih avangin midang chung tlak tumlo ila, zawldawh tak in, midang tan a harsatna thlen lo zawngin hun hman hram hram i tum ang u ti in kan in ngen a ni.

YMA Branch hruaitu te mahni Branch huamchhung ah ṭhahnem ngai tak a hma la tur in kan in ngen a. YMA hmai tibal lo tur in ke pen tlang ila. Duty te pawh lirthei hawl chhuak lo tur in kan in ngen leh ani.

Chhim mipui tan a kan kawng pawimawh ber hetiang em em a a chhiat avang a YMA Sub Hqrs, Lunglei in hma a lakna hi khawngaih tak a mipui ten min thlawp tur in kan ngen in ngen nawn leh a ni.

Political Party ten YMA hmalakna hi remchang a la a, mahni Party hamṭhatnan a hman tumlo tur in kan in ngen bawk a ni.

               Sd/-

(ZOTHANZUALA HNAMTE)

          Secretary,

YMA Sub Hqr's, Lunglei.

(He website kal zel theih nan hian fakna lo langte hi i lo hmet ve thin dawn nia.)

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Website leh a hnuaia fakna hi lo hmet ve rawh.)