Ticker

10/recent/ticker-posts

MZP - in Ramri leh NHIDCL kawng siam chhe lutuk chungchang CM sawipui!

Darzo | Oct 5, 2022: MZP General Headquarters hruaitute chuan, vawiin chawhma dar 11:30 khan Mizoram Chief Minister Pu Zoramthanga chu a office-ah hmuin Ramri, NHIDCL kawngsiam chhe lutuk, Zo hnam khawmpui lian Zofest 2022 chungchang leh thil pawimawh hrang hrang an sawipui.


MZP chuan tun hnaia Assam sorkarin Bairabi Zophaia Status Quo chhunga kut an rawn thlaka, thlam pahnih lai an sak chungchang a sawipui a. CM in rang taka hma a lak avangin lawmthu a hrilh a, chutih laiin Assam chet dan hi uluk taka thlithlai reng a ngaih thu leh an hmalakna chu na taka chhanglet vat zel turin a ngen a. Mizoram Chief Minister pawhin a theihna apianga hma a lak tur thu leh, Assam Chief Minister nen pawh sawi dun an tum thu a lo sawi thuchhuah siamin MZP chuan an tarlang.

Mizoram hmun hrang hranga kawngpui siam mek




thawktu NHIDLC te sulhnu chu a chhe hle a, a bik takin an lung hman chuan duhthu a sam loh avangin hmala turin MZP chuan Chief Minister a ngen a. Chief Minister chuan a lo enzui tur thu leh a concern Ministry pawh sawipui a tum thuin a lo chhang. 

MZP chuan, Zo hnam inkhawmpui lian Zofest kum 2002 aṭanga lo hman tawh chu kumin December ni 6-9 chhung hian Thenzawl-ah hman a tum thu a sawipui a. A hlawhtling theih nana theihtawp a chhuahpui tur thu a lo hrilh. 

MZP chuan Thangram Indigenous Peoples Movement (TIPM) in an chenna 180 Sq. Miles Mizoram State chhunga rinlut tura an hmalakna chu a theih ang anga hmalakpui turin an ngen nawn bawk a. Sawrkar-in theih ang anga hma alak mek thuin alo chhan thu MZP chuan an tarlang.

"MZP chuan Mizoram Chief Minister-in a thu thlente ṭha taka a lo dawnsawn avangin lâwmthu a sawi a. Beiseina sang tak nen a hmalakna ngun takin a thlir reng dawn a ni.," tiin MZP chuan an tarlang.




(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)

Post i hmuh dan

Post a Comment

0 Comments