Ticker

10/recent/ticker-posts

MSU-in 'College Hmasawnna Hnatlang' huaihawt; college admission leh tution fee college hmasawnna atan hman phut!

Aizawl | Oct 20, 2022: Vawiin khan college tution fee leh admission fee sorkara chhunluh duh loh lantirnan MSU huaihawtin college zirlai thahnem tak te chuan 'College Hmasawnna Hnatlang' neiin Vanapa Hall kawtah an pungkhawm.


He huna MSU hruaitute sawi danin college admission leh tution fee Rs. 1320 chu sorkarah zirlaiten an chawi thin a. Hei hi tha an tih loh thu leh heng sum te hi central University te chuan anmahni inrelbawlna leh hmasawnna atana an hman thin ang chu an duh ve thu an sawi a. Hemi chungchang hi kum 2013 leh 2017 ah sorkarah MSU in an thlen tawh thu leh kum 2019-a an general conference ah pawh agendaa an neih thu MSU hruaitute chuan an sawi.

Chief Minister hnenah pawh kum 2020 khan an rorel bawhzuina atan hemi chungchang hi thlen a nih thu leh tun thlaa an general conference ah pawh agendaa a dah leh thu MSU hruaitute chuan an sawi a. Sorkarin an thu thlen te a ngai pawimawh lo nia an hriat avangin vawiina an thil huaihawt chu thleng a nih thu an sawi a ni. 

MSU OB te chu sorkar aiawh te nen Secretariat pisa, MINECO-ah vawiin khan chawhma dar 10:30 khan an inbia a, Sorkar aiawh hian Higher & Technical Education Minister Dr. R. Lalthangliana, School Education Minister Pu Lalchhandama Ralte, Principal's Council leh a changtu department official te inbiaknaah hian an tel a. MSU hruaitute sawidanin sorkar pawhin an duhdan te remtiin inremna an nei a. Tlai dar 3:30 thlenga Chief Minister Office ah Secretariat atangin file a la thlen loh avangin ngaihven turin Vanapa Hall-a pungkhawm te hi CM pisaah an kal leh a ni. 

Secretariat atanga file kengtute chu CM pisa luhka bula an punkhawm lai hian a lo thleng a, MSU OB ten CM ah file kengtute hi zui lutin hun eng emaw chen CM pisaa an awm hnuin MSU hruaitute chu an lo chhuak a, kalkhawmte hmaah an thil phut te sorkarin a tihhlawh tlin thu an sawi a. MSU hruaitute chuan sorkarin ngun taka dan te thlir chunga a ngaihtuah hnuah zirlaite fee atanga college hmasawnna atana hman tur tihpun an rawtna chu rualkhai taka Mizoram puma zirna in te admission fee hman a nih theihna turin budget-ah sorkarin a siamsak ta tih an puang.


Vawiina hnatlang te chuan Mizorama zirna in tan bung thar an sualchhuah thu leh an punkhawm chu tihtawp a nih thu an sawi bawk a ni.


Hemi zawh hian zirlai pungkhawm te chu an tin a ni.





(He website kal zel theih nan hian fakna lo langte hi i lo hmet ve thin dawn nia.)
 
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(Website leh a hnuaia fakna hi lo hmet ve rawh.)
Post i hmuh dan

Post a Comment

0 Comments